Aktyŭnaść na rynku nieruchomaści Biełarusi ŭ 2010 hodzie budzie zaležać ad kredytnaj palityki dziaržavy. Takoje mierkavańnie vykazaŭ dyrektar ahienctva nieruchomaści «Tvaja stalica» Uładzimir Davidovič.
«Usio budzie zaležać ad taho, jakija buduć pryniaty miery, što budzie prapanavana ŭ płanie kredytavańnia hramadzianam. Moža być prapanavana staŭka ŭ 5% ci inšaja schiema. Niezrazumieła pakul, što budzie adnosna lhotnaha kredytavańnia, jano budzie prapanavana šyrokamu kołu ci katehoryi zvuziacca, i kolki hrošaj na heta budzie vydzielena», — adznačyŭ ekśpiert.
Jon padkreśliŭ, što ŭ 2009 hodzie lhotnych kredytaŭ było vydadziena ŭ čatyry razy bolš, čym astatnich. Pavodle mierkavańnia Davidoviča, kredyty sa staŭkaj 23% — «hrabiežnickija, i ich nichto nie choča brać». Akramia taho, u 2009 hodzie byli admienieny valutnyja kredyty, pry jakich «niekalki tysiač dołaraŭ, jakich nie chapaje, možna było ŭziać na budaŭnictva ci kuplu žylla». Pavodle mierkavańnia ekśpierta, «kredyty zastanucca vielmi darahimi, tolki častka rynku budzie padtrymlivacca lhotnymi».
U cełym, pavodle prahnozaŭ ekśpierta, na rynku nieruchomaści ŭ pieršyja miesiacy hoda budzie stabilnaja situacyja: «Ceny zastanucca na raniejšym uzroŭni. Mahčymy tolki nievialiki rost pa 0,5–1% u miesiac».
