Vada, jakaja ciače ŭ damach u Chojnikach. Krynica: «Chojniki na śviazi» / Telegram
Z pačatku lutaha ŭ telehram-kanale «Chojniki na śviazi» skarhi stali źjaŭlacca ŭsio čaściej.
«Kolki heta moža praciahvacca? Za studzień dźvie zajaŭki było padadziena. Na Kaleśnika * * užo ceły miesiac idzie brudnaja vada, što haračaja, što chałodnaja, kali buduć pryniatyja miery?!» — aburajucca ŭ miascovym čacie.
Jašče ludzi skardziacca, što im davodzicca tracić šmat hrošaj, kab prosta papić vady.
Vydańnie «Chojnickija naviny» daviedałasia ŭ čynoŭnikaŭ, u čym prablema i kali jana budzie vyrašana. Anatol Hura, namieśnik staršyni rajvykankama, jaki kuryruje śfieru kamunalnaj słužby, zapeŭniŭ, što adnosna prablemy niajakasnaj vady jon u kursie, a ŭsio, što pišacca ŭ telehram-kanale «Chojniki na śviazi», jon adsočvaje, bieručy na kantrol usie adrasy, ź jakich pastupajuć skarhi. Na suviazi jon i sa śpiecyjalistami filijała «Vadakanała», «kab u režymie realnaha času viedać, jak tam vyrašajuć pytańnie».
Prablema ŭ niajakasnaj pracy staroj stancyi abiezžalezvańnia, ličyć čynoŭnik. U najbližejšyja dni, pa jahonych słovach, jana budzie vyviedziena z ekspłuatacyi, a zamiest jaje zapracuje novaja.
«Raźličvajem, što mienavita heta vyrašyć prablemu ź jakaściu vady ŭ rajcentry», — ličyć Hura.
Čytajcie taksama:
Pry budaŭnictvie mietro paškodzili trubu, biez vady zastaŭsia minski kvartał
U Babrujsku dziaržaŭnaje rytualnaje pradpryjemstva šantažavała svajakoŭ pamierłych
«Chočam narešcie pažyć pa-ludsku». Jak vyžyvajuć u rajcentry za 90 kiłamietraŭ ad Minska
