Palicyjanty viaduć padazravanaha ŭ złačynstvie. Fota: srodmiescie.policja.gov.pl
«Pacyjentka ŭ ciažkim stanie. Jaje žyćciu pahražaje niebiaśpieka, praciahvajucca sproby jaje vyratavać. Žančyna znachodzicca ŭ adździaleńni reanimacyi i aniestezijałohii. Stan zdaroŭja nie dazvalaje jaje apytać u palicyi. Pacyjentka znachodzicca biez prytomnaści», — paviedamiła pres-sakratarka balnicy Barbara Miatkoŭska.
Pavodle nieaficyjnaj infarmacyi Onet.pl, u vyniku dušeńnia złamyśnikam u 25-hadovaj paciarpiełaj adbyłasia hipaksija mozhu, jakaja moža vyklikać niezvarotnyja nastupstvy. Pacyjentka pa-raniejšamu znachodzicca na aparacie štučnaj vientylacyi lohkich. Śladoŭ naža, jakim złačyniec pahražaŭ dziaŭčynie, na jaje ciele niama. Navat kali chvoraja aprytomnieje, jaje čakaje doŭhaja reabilitacyja.
«My nie možam dać infarmacyi pra sam chod lačeńnia. Adnak mahu vas zapeŭnić, što pacyjentka znachodzicca pad vielmi pilnym i kłapatlivym nahladam u špitali i atrymlivaje ŭsie nieabchodnyja pasłuhi, jakija mahčymyja ŭ jaje stanie», — padkreśliła Barbara Miatkoŭska.
Čytajcie taksama:
Dla padtrymki zhvałtavanaj i pakalečanaj u Varšavie biełaruski adkryli dabračynny zbor
Biełarusku zhvałtavali i sprabavali zadušyć u centry Varšavy
