Skrynšot videa ŭ tyktoku @manic_minsk
Takuju niepryjemnuju historyju raspaviała minčanka, jakaja viadzie tyktok pad nikam @manic_minsk. Dziaŭčyna śćviardžaje, što jaje padmanuła kiraŭnictva servisnaha centru, dzie taja da niadaŭniaha času pracavała.
— Ja adpracavała ŭ hetaj kampanii krychu bolš za paŭhoda. U niejki momant mnie dla banka spatrebiłasia daviedka ab dachodach za 6 miesiacaŭ. Ja paprasiła jaje ŭ kiraŭnika. Na nastupny dzień mnie telefanuje ŭłaśnik kampanii i kaža, što ja ŭ ich bolš nie pracuju i što aficyjna ja nie była ŭ ich pracaŭładkavana. Chacia kantrakt ja padpisvała. Ale vyśvietliłasia, što na kantrakcie niama podpisu kiraŭnika. Ale ja, jak čałaviek, jaki jurydyčna nie padkavany, ab hetym nie viedała.
Dziaŭčyna kaža, što ŭłaśnik kampanii prapanavaŭ joj hrašovuju kampiensacyju sa svajoj kišeni.
— My nie viedali, nichto nie viedaŭ, sory, što tak vyjšła. Ale ž ty napišy raśpisku, što ty nie maješ da nas nijakich pretenzij. Ja admoviłasia. Ja paprasiła vypłacić usio, što jany mnie pavinny za apošni miesiac, a taksama toje, što vyličali mnie nibyta padachodny. Na nastupny dzień, kali my sustrelisia, mnie nie viarnuli maje dakumienty i nie vypłacili ničoha. Skazali: napišaš raśpisku, dadzim tabie hrošy. Nie napišaš — nie dadzim, idzi adsiul. Ty ŭ nas aficyjna prapracavała adzin dzień.
Minčanka kaža, što admoviłasia, bo dla jaje važny ŭ pieršuju čarhu nie hrošy, a jaje honar. Potym dziaŭčyna źviartałasia ŭ roznyja słužby, kab dabicca spraviadlivaści.
— Usie słužby našy lubimyja dziaržaŭnyja pasłali mianie na try litary — u sud. Ale ŭvieś prykoł u tym, što ŭsie słužby, vysłuchaŭšy maju historyju, prosta nakiroŭvali majmu byłomu pracadaŭcu zapyt, ci sapraŭdy ja ŭ jaho pracavała. Kaniešnie, kiraŭnictva adkazvała, što nie. Nastupny moj punkt — sud. Pabačym, što mnie skažuć tam. Prosta kryŭdna, što ŭ našaj dziaržavie tak ašukvajuć ludziej.
Videa nabrała 74 tysiačy prahladaŭ i bolš za 1860 łajkaŭ. U kamientaryjach ludzi davali parady, kudy možna źviarnucca, a taksama raskazvali padobnyja historyi: «Anałahičnaja situacyja ŭ znajomych. Tolki tam dva hady. U sudzie paprasili bilinh i vyznačyli, što supracoŭnik byŭ na pracy. Vyjhrali istotnuju sumu — 5 tysiač dalaraŭ».
U nastupnym videa dziaŭčyna raspaviała, što padała zajavu ŭ sud, choć heta było składana praz toje, što nie było ŭzoru zajavy — usio-taki situacyja nie vielmi standartnaja.
Dziaŭčyna taksama vyrašyła adkazać na najbolš papularnaje pytańnie z kamientaryjaŭ.
— Zarpłatu ja atrymlivała raz u miesiac na ruki. Mianie heta nie biantežyła tolki tamu, što mianie vielmi dobra pierakonvali ŭ tym, što heta zakonna — a ja naiŭna vieryła.
U jaje taksama spytali, kudy ž źviartacca ŭ takich vypadkach.
— Spačatku ja źviarnułasia ŭ FSAN, ale tam mnie zmahli tolki zrabić vypisku z asabovaha rachunku, kab paćvierdzić, što nasamreč ja nie była pracaŭładkavana. Dalej ja napisała elektronny zvarot u Ministerstva pracy i sacabarony. Da hetaha ja pakidała zajaŭku na haračaj linii padatkovaj. Ministerstva i FSAN adkazali, što źviartajciesia ŭ sud, my ničym nie možam vam dapamahčy. Tamu vielmi čakaju rašeńnie suda.
Čytajcie taksama:
