Photo: Daniel Vogl/dpa (Photo by Daniel Vogl/picture alliance via Getty Images)
Niekatoryja narody pavinny lubić syr bolš, čym inšyja, praŭda? I jak vymierać takuju prychilnaść? Na hetyja nadzionnyja pytańni narešcie adkazali cikaŭnyja ludzi z ahienctva markietynhavych daśledavańniaŭ Mintel, paviedamlaje Euronews.
U svajoj novaj spravazdačy «Samyja syrnyja krainy śvietu» jany aceńvajuć kožnuju krainu pa imparcie syru, jaho vytvorčaści i kolkaści zapytaŭ u Google na słova «syr» na ich rodnaj movie.
I vyniki nievierahodna dobryja dla Jeŭropy, krainy jakoj zaniali dzieviać ź dziesiaci miescaŭ u tym-10.
Kančatkovy rejtynh samych syrnych krain śvietu pa viersii Mintel vyhladaje tak:
8-10. Šviecyja, Finlandyja i Danija. 7. Šviejcaryja. 6. Brytanija. 5. Aŭstryja. 4. ZŠA (adzinaja kraina pa-za Jeŭropaj). 3. Bielhija. 2. Francyja.
A pieramožcam u naminacyi «Samaja syrnaja kraina» stali Niderłandy — radzima šalona papularnych hatunkaŭ haŭdy i edama.
Nievialikaja pa terytoryi kraina z nasielnictvam usiaho 17 miljonaŭ čałaviek štohod impartuje syru na 14 dalaraŭ (13 jeŭra) (3,1 kiłahrama) na čałavieka, što robić Niderłandy samym bujnym pakupnikom syru siarod usich krain. Tam taksama vyrablajuć 38 hatunkaŭ, jakija jaduć pa ŭsim śviecie.
Akramia taho, hałandcy dumajuć pra syr bolš, čym chto-niebudź inšy ŭ śviecie: na dušu nasielnictva prypadaje najbolšaja kolkaść štomiesiačnych zapytaŭ u Google pa zapycie «syr» na rodnaj movie.
Čytajcie taksama:
Chatni varyjant chačapury — prostyja hruzinskija bliny na kiefiry
Litoŭskija kuchary adradžajuć nacyjanalnyja stravy
Nazirańnie za tym, jak inšyja jaduć niezdarovuju ježu, moža dapamahčy schudnieć
Zapiakanka ź ciortaj bulby z harodninaj
Pieraradžeńnie piekaryna: jak kavid źmianiŭ italjanskija aviečyja syry
