Uładzimir Pucin i Alaksandr Łukašenka na fonie abstralanaha jemienskimi chusitami handlovaha sudna ŭ Čyrvonym mory. Foty: AP / Contributor Getty Images. Kałaž: «Naša Niva»
Akramia vyšej zhadanych krain, taksama zadziejničanyja Azierbajdžan i Turcyja.
«Jak adznačajuć jeŭrapiejskija kampanii DHL, RailGate Europe, Rail Bridge Cargo i Kuehne & Nagel, popyt na čyhunačny tranzit praz Rasiju i Biełaruś za apošnija miesiacy ŭzros na 25-40 pracentaŭ.
Tolki za hety studzień z Kitaja ŭ Polšču prajšło amal 15 tysiač kantejnieraŭ abjomam da 30 ton kožny. Taki šlach ciapier doŭžycca ad 25 da 30 dzion», — piša Financial Times.
Pry hetym kampanii padkreślili, što takaja kolkaść kantejnieraŭ u miesiac usio roŭna nie moža paraŭnacca z hruzapadjomnaściu sučasnych kantejnieravozaŭ, kožny ź jakich moža pieravozić pa 24 tysiač takich kantejnieraŭ za raz.
Taksama apieratary dadali, što vykonvajuć sankcyjnaje zakanadaŭstva Jeŭrasajuza ŭ dačynieńni da biełaruskaj i rasijskaj pradukcyi. Niekalki ź ich zajavili, što praktyčna nie karystajucca maršrutam praz Rasiju i Biełaruś paśla pačatku vajny va Ukrainie.
«Adnak sam tranzit zabaranić nielha, bo kantejniery z hruzam iduć nie ź Biełarusi i Rasii, a z trecich krain. Tamu tranzitnyja krainy majuć mahčymaść źbirać pošliny za transparciroŭku tavaraŭ pa svajoj terytoryi i za karystańnie svaimi čyhunačnymi šlachami», — reziumuje Financial Times.
Čytajcie taksama:
Ci mohuć chusity całkam adsiekčy suśvietny internet? Raźbirajemsia
Čym pahražaje biełaruskaj ekanomicy prodaž uhnajeńniaŭ pa dempinhavych cenach
