Hurt «Piknik» vyrašyŭ nie admianiać svoj kancert u Sankt-Pieciarburhu 27 sakavika, a pravieści ŭ hety čas dabračynny viečar, pryśviečany pamiaci achviar napadu na «Krokus Sici Choł», paviedamlaje Bi-bi-si.
«Sabranyja srodki buduć nakiravany paciarpiełym i siemjam zahinułych u terarystyčnaj atacy», — havorycca ŭ paviedamleńni hrupy ŭ sacsietkach.
Adnoj z zahinułych u kancertnaj zale stała pamočnica dyrektara hurta «Piknik» Kaciaryna Kušnier.
«My ŭsio praciahvajem pieražyvać hetyja strašnyja i trahičnyja dni razam. My bačym i čujem vašuju padtrymku, padzialajem słovy salidarnaści ź siemjami paciarpiełych i spačuvajem zahinułym», — havorycca ŭ zajavie hrupy.
Pakul, jak vynikaje z paviedamleńnia «Piknika», muzyki, mižnarodny simfaničny arkiestr «Taŭryčny» i arhanizatary kancerta šukajuć mahčymaści dla praviadzieńnia mierapryjemstva ŭ Pieciarburhu — u hurta i arkiestra zhareła ŭsio abstalavańnie i instrumienty ŭ «Krokus Sici Chole».
Čytajcie taksama:
Što za hrupa «Piknik», pierad kancertam jakoj adbyŭsia terakt
Pamočnica dyrektara «Piknika» zahinuła ŭ čas teraktu ŭ «Krokusie»
Siarod zahinułych u «Krokus Sici Chole» jość biełaruska
«Jon u štučnaj komie». Baćka biełaruskaha achoŭnika z «Krokusa» pra stan syna
