Basmanny sud Maskvy pa chadajnictvie śledstva aryštavaŭ Ališera Kasimava — jašče adnaho, vośmaha, fihuranta spravy ab terakcie ŭ padmaskoŭnaj kancertnaj zale «Krokus Sici Chole», paviedamili «Interfaksu» ŭ sudzie.
Kasimaŭ uziaty pad vartu na termin da 22 maja, zajavili ŭ sudzie ŭ aŭtorak. Pasiadžeńnie pa chadajnictvie śledstva prajšło ŭ zakrytym režymie.
Jak vynikaje sa źviestak, abvieščanych u sudzie, Kasimaŭ — 31-hadovy ŭradženiec Kyrhyzstana, jaki maje hramadzianstva RF, zarehistravany ŭ vioscy Puciłkava Krasnahorskaha rajona. Jon maje traich małaletnich dziaciej, utrymlivaje kafe ŭ jakaści indyvidualnaha pradprymalnika.
Adkazvajučy na pytańnie sudździ, ci zrazumieła jamu abvinavačvańnie, Kasimaŭ rastłumačyŭ, što nie znajomy z abvinavačanymi ŭ ździajśnieńni teraktu, i što jon šukaŭ kvatarantaŭ. Pra płany tych, chto ź im źviazaŭsia, jon nie viedaŭ, padkreśliŭ fihurant.
«Ja nie viedaŭ, jany, akazvajecca, teraryzm (płanujuć). Ja praz Avita.ru napisaŭ, što mnie patrebny kvatarant, chaču zdavać kvateru», — skazaŭ Kasimaŭ u sudzie.
Basmanny sud raniej aryštavaŭ siemiarych fihurantaŭ spravy ab terakcie — piaciarych hramadzian Tadžykistana i dvaich uradžencaŭ Tadžykistana, jakija majuć hramadzianstva RF. Pryčym jany byli mocna źbityja.
Čytajcie taksama:
Pa spravie ab terakcie ŭ «Krokusie» zatrymali jašče troch čałaviek — heta byŭ ich «Reno»