Jak piša Biełta, u minułym hodzie adrazu na dźviuch placoŭkach startavała vytvorčaść kandytarskich vyrabaŭ z suchoha małaka. «Kamunarka» vypuściła małočnaje draže «Dziciačyja historyi». «Słodyč» prapanavaŭ cukierki, vafli, piečyva, u tym liku biez cukru.
Novy prajekt chočuć realizavać da 2025 hoda. Abiacajuć kala 20 pracoŭnych miescaŭ. «Da 40% małočnych cukierak aryjentavana na ekspart, u tym liku ŭ KNR. Čakany abjom vytvorčaści — 360 t u hod», — adznačyŭ staršynia kancerna «Biełdziaržcharčpram» Aleh Žydkoŭ.
Zrabić cukierki, anałahičnyja kitajskim, patrabavaŭ Łukašenka ŭ lipieni. «Mikałaj pryvioz mnie ich z Kitaja, ja pakaštavaŭ sam. Viadoma, heta nie dla mianie. Ale dzieci, maleńkija dzieci z najvialikšym zadavalnieńniem jaduć hety łasunak. Čamu my nie možam rabić heta i pradavać? I, hałoŭnaje, svaich ludziej zabiaśpiečyć», — skazaŭ jon.
Čynoŭniki chutka adreahavali na daručeńnie i nieŭzabavie vypuścili probnuju partyju.
Kolki kaštujuć adnyja i tyja ž smartfony ŭ Biełarusi i susiednich krainach?
Jak Śviata-Jelisaviecinski žanočy manastyr pieratvaryŭsia ŭ sapraŭdny biznes-chołdynh
