Fiestyval «Inkluziŭny barysta» ŭ Varšavie. Fota: inclusivebarista.com
Kaviarnia raźmieścicca pa adrasie: Stefana Okrzei, 8. Na jaje bazie budzie taksama stvoranaja prastora kreatyŭnaha ŭzajemadziejańnia ludziej z dadatkovymi patrebami i ludziej bieź invalidnaści.
Uvieś piersanał u kaviarni, jak i va ŭsich ustanovach prajektu «Inkluziŭny barysta» — ludzi ź invalidnaściu.
Pieršyja kaviarni «Inkluziŭny barysta» Alaksandr Aŭdzievič adkryŭ u biełaruskich haradach — Lidzie, Minsku, Breście, Mahilovie. Adnak paśla 2020 hoda Aŭdzievič byŭ vymušany źjechać ź Biełarusi, kab paźbiehnuć represijaŭ.
U Varšavie ŭ ramkach prajektu biełarusa ŭ 2022—2023 hadach pracavała škoła «Inkluziŭny barysta», u jakoj 10 ludziej ź invalidnaściu atrymali prafiesiju barysty. U 2023 hodzie taksama ŭ Varšavie prajšli dva fiestyvali Inclusive Barista Coffee Festival, padčas jakoha prafiesii barysty navučylisia 30 ludziej ź invalidnaściu.
Pa spasyłcy — prahrama adkryćcia pieršaj kaviarni «Inkluziŭny barysta» u Varšavie.
Alaksandr Aŭdzievič z 2011 hoda maje invalidnaść, tamu karystajecca vazkom. Tym nie mienš, na rovary z ručnym pryvadam jon abjechaŭ paŭ-Jeŭropy.
Čytajcie taksama:
Fatahrafija z «inkluziŭnymi barystami» vypadkova znajšłasia ŭ bazylicy śviatoha Piatra ŭ Vatykanie
Jak vazočnik Aŭdzievič vypraboŭvaŭ svaju dziaŭčynu Kanarami i zrabiŭ joj prapanovu ŭ Paryžy
«Bo ŭ Biełarusi — žeść». Kalasačnik pierabraŭsia na Kanary i buduje tam sabie dom
