Fota: 1000i1koushyk.blogspot.com
Bolšaja častka supoŭ jeŭrapiejskija: pryčym piać — ispanskija. U śpisie jość čatyry varyjanty chałodnych supoŭ z burakom (litoŭski, łatvijski, polski i biełaruski).
Pieršaje miesca ŭ litoŭskaha Šaltibarščiai (dasłoŭna: chałodny boršč), jaki nabraŭ 4,3 bała z 5. Adznačajecca, što sup rychtujecca z prostych inhredyjentaŭ, jaho pryhatavańnie nie patrabuje šmat času.
Na druhim miescy ispanskaja Porra Antequeranna (4,3 bała, vakolicy andałusijskaj Małahi), jakaja nahadvaje haspača i salmarechu. Robicca z tamataŭ, sałodkaha piercu, časnyku, aliŭkavaha aleju i chleba.
Na trecim miescy ŭłasna Salmorejo (4,1 bała, Kordava, Ispanija), adnak jon ličycca samym papularnym. Hety sup bolš husty i kremapadobny, čym haspača. Dadajuć miasnuju narezku i jajki.
Na čaćviertym miescy bałharski Tarator (4,1 bała): Chałodny sup ź niesałodkim tłustym johurtam, ahurkami, časnykom, krapivoj i arechami.
Na piatym miescy francuzski Vishyssoise (4,1) — kremavy chałodny sup z pareju, bulby, bulona i viarškoŭ.
Tasteatlas.com
Łatvijskaja viersija chaładnika (Aukstā zupa) na vośmym miescy. U adroźnieńnie ad litoŭskaha i biełaruskaha tudy dadajuć kaŭbasu.
Ispanska-andałusijskaje haspača na 10-m miescy z 3,7 bała.
Biełaruski chaładnik na 13-m miescy
«Chaładnik — chałodny sup z burakoŭ, jaki byŭ asnoŭnaj stravaj biełaruskaj kuchni z kanca XVIII stahodździa. Jaho hatujuć z varanych burakoŭ, źmiašanych z kiefiram, ahurkami, zialonaj cybulaj i kropam. Sup tradycyjna padajecca z łyžkaj śmiatany..», — havorycca ŭ anatacyi na sajcie. Taksama ŭ Biełarusi časam chaładnik hatujecca na vadzie.
Admietna, što naš chaładnik abyšoŭ rasijskuju akrošku, u jakoj 14-je miesca i 3,6 bała.
Čytajcie taksama:
Samyja ahidnyja stravy ŭ śviecie: što trapiła ŭ rejtynh i ci jość tam biełaruskaje
Biełaruskija vielikodnyja tradycyi ŭ pytańniach i adkazach
Šef-kuchar minskaj himnazii nazvaŭ piać lubimych straŭ školnikaŭ
