Fota: pixabay.com
«Klanovy sok ja źbiraju mienavita dla taho, kab zrabić ź jaho sirop. Jaho, viadoma, možna kupić i ŭ kramie, ale lepš zrabić samomu. Klanovik trochi saładziejšy za biarozavik, choć i mienš papularny ŭ nas u Biełarusi, — raskazvaje Andrej. —
Na leciščy ŭ mianie jakraz majecca niekalki samych zvyčajnych klonaŭ. Jak tolki pačynaje «pachnuć» viasnoj, prykładna z pačatku sakavika, kali niama mocnych marazoŭ, ja staŭlu sok. Zvyčajna ŭ hety čas śnieh jašče ŭsiudy lažyć.
Idealnaje nadvorje — kali nočču minusavaja tempieratura, kala —2°S, a dniom — da +6°. Kali jość takija pierapady, sok idzie dobra.
Rablu zasiečku, padvodžu ŭ jaje žałabok, jaki prymacoŭvajecca da butelki, i čakaju, kali jomistaść napoŭnicca. Rablu ŭsio hetak ža sama, jak i na biarozavik.
Sok filtruju praz marlu i zalivaju ŭ rondal z toŭstym dnom, davodžu da kipieńnia na mocnym ahni, zatym pamianšaju da minimumu i čakaju niekalki hadzin, pakul jon nie vyparycca i na dnie nie źjavicca hustaja burštynavaja vadkaść. Heta i jość naš sirop. Padčas kipieńnia časam moža źjaŭlacca pienka. Jaje treba prybirać.
Z 6-litrovaha rondala atrymlivajecca ŭsiaho tolki hram z 50 siropu.
Važny momant: treba staranna sačyć, kali ŭ rondali zastaniecca mienš za pałovu soku. Vadkaść vielmi chutka vyparajecca i imhnienna pryharaje. Paru razoŭ ja nie ŭsačyŭ, potym pryjšłosia vielmi doŭha adździrać nahar. A čad stajaŭ pa ŭsioj kvatery.
Doma ŭ mianie zaŭsiody majecca butelečka siropu. Jaho možna jeści, naprykład, ź blinami abo dadavać u maroziva. Na smak jon sałodki, jak cukar, i maje ledź ułoŭny, ni na što nie padobny prysmak».
Čytajcie taksama:
Jak ułasnaručna zrabić majanez dy inšyja zapraŭki dla sałaty
U Minsku i vakolicach ad siońnia pačynajuć pradavać biarozavik. Cana prosta śmiešnaja
Raŭhienia — unikalny biełaruski «kvas», jaki moh by stać nacyjanalnym brendam
Chutka pojdzie biarozavik. Čym jon karysny i jak jaho pravilna źbirać?
