Hadzińnik, jaki zaŭvažyli ŭ Franaka. Skryn videa «Biełsat»
Jon adznačyŭ, što ahlad taho, što pišuć u telehram-kanałach, jamu padrychtavała pres-sakratarka Natalla Ejsmant.
«Toje, što vypluchnułasia ad ich u hetyja čaty, telehram-kanały, dzie jany
tam abjektyŭna raskazvajuć (my pra heta viedali i viedajem), chto prysabiečvaje hrošy, kudy iduć hrošy, jakija chto hadzińniki i majtki nosić», — vykazaŭsia Łukašenka.
Paśla jon udakładniŭ, što maje na ŭvazie hadzińnik za 9 tysiač dalaraŭ.
Nahadajem, niadaŭna ŭ Franaka Viačorki zaŭvažyli darahi hadzińnik — Omega Seamaster Planet Ocean. Košt takoha novaha hadzińnika — 5-9 tysiač dalaraŭ. Franak patłumačyŭ, što heta padarunak ad čałavieka, jaki spryčyniŭsia da biełaruskaj spravy, sam hadzińnik stary. A paśla paabiacaŭ vystavić jaho na dabračynny aŭkcyjon.
Pry hetym cikava, jakija hadzińniki nosiać niaviestki samoha Łukašenki. Na Lilii Łukašenka, naprykład, byŭ zaŭvažany załaty Patek Philippe 425J «Tegolino» koštam 14 500 dalaraŭ. U jaje kalekcyi jość i kłasičnaja madel, jakaja nahadvaje hadzińnik Cartier Tank Solo, jakaja kaštuje 7975 dalaraŭ.
Hanna Łukašenka (viadomaja pad psieŭdanimam Siałuk) pakazvałasia z hadzińnikam, padobnym da limitavanaj madeli Defy Midnight šviejcarskaha brenda Zenith. Cana takoha 11 800 jeŭra.
Adzin z hadzińnikaŭ samoha Łukašenki — Patek Philippe Calatrava 5120J — siońnia možna nabyć za 17 tysiač dalaraŭ.
Čytajcie taksama:
Franak Viačorka raskazaŭ, adkul u jaho darahi hadzińnik i chto padaryŭ jamu čaraviki
Franak Viačorka prapanuje pradać svoj hadzińnik za $5 tysiač praz dabračynny aŭkcyjon
