Fota: danger.gskp.by.
U Biełarusi zabaranili pradavać dziciačuju vopratku papularnaha tureckaha brenda LC WAIKIKI. Dziaržstandart znajšoŭ mnostva parušeńniaŭ u vyrabach.
Pad zabaronu trapili bodzi, kambiniezony dla novanarodžanych, kašuli, tałstoŭki i štany dla daškolnikaŭ i školnikaŭ, a taksama zaplečniki, paviedamlaje Tochka.
Śpiecyjalisty Dziaržstandartu pryjšli da vysnovy, što ŭ adzieńni dla novanarodžanych złučalnyja švy z abkidańniem na advarotny bok, choć pa praviłach, jany pavinny być na pravym baku, kab nie razdražniać skuru niemaŭlat.
U adzieńni dla daškolnikaŭ i školnikaŭ nie byli vykananyja pakazčyki hihraskapičnaści i pavietrapranikalnaści — jany nižejšyja, čym nieabchodna.
U školnych partfielach brenda adsutničajuć śviatłoadbivalnyja elemienty, jakija abaviazkovyja dla takoj pradukcyi.
