Zdymak maje ilustracyjny charaktar. Biełarusy Varšavy sabralisia na marš salidarnaści ź biełaruskimi palitviaźniami ŭ treciuju hadavinu vybaraŭ u Biełarusi na Zamkavaj płoščy. Varšava, Polšča. 9 žniŭnia 2023 hoda.
Vypadki zafiksavanyja ŭ roznych dziaržaŭnych orhanach i ŭ roznych haradach Polščy, ale jana nie maje šyrokaha maštabu — vypadkaŭ niašmat. Pra heta piša Centr biełaruskaj salidarnaści i zaspakojvaje, što polskija čynoŭniki zacikaŭlenyja raźviazać prablemu.
«Biełsat» znajšoŭ užo druhuju biełarusku, jakaja sutyknulisia z paviedamleńniem pra jaje ŭ ambasadu Biełarusi pry sprobie zamianić pravy kiroŭcy.
Miarkujučy z raskazaŭ biełarusak, polskija čynoŭniki prosta nie ŭdakładniajuć statusu čałavieka i robiać zvyčajnuju praceduru, jakaja moža być pry zamienie pravoŭ.
Heta i adbyłosia z Marynaj (imia źmienienaje), jakaja źjechała ŭ Polšču, kab paźbiehčy represijaŭ. Tut žančyna maje dadatkovuju abaronu:
«Maja aktyŭnaść u Biełarusi była strymanaja, bo ja razumieła, što ŭ mianie dzieci. Ale ŭ peŭny momant mianie vyklikali na dopyt, bo moj kantakt znajšli ŭ doktarki, jakaja była pad pieraśledam i paśpieła źjechać ź Biełarusi. Pieršy raz pa mianie pryjechali pad padjezd i apytvali na palihrafie. Praź niejki čas ja jašče źjeździła ŭ Polšču, viarnułasia, i praz tydzień mianie znoŭ vyklikali. Častkova ŭ hetaj ža spravie apytvali, dadałosia jašče šmat pytańniaŭ asabista da mianie: maje pohlady, za kaho hałasavała, čamu ŭ vas usio na biełaruskaj movie i ŭsialakija takija pytańni.
Mnie skazali: «My vam jašče budziem telefanavać». Paśla hetaha ja vyrašyła nie čakać i źjechała».
Maryna pačała ŭładkoŭvać žyćcio ŭ Polščy i, pastanaviŭšy zamianić pravy kiroŭcy, vyjaviłasia prablema. Na jejnych pravach jość paznaka ŭ vyhladzie čašy sa źmiajoj, što niezvyčajna dla polskich pravoŭ.
«Jość znački, jakija staviacca ŭsim na pravy, a ŭ asablivych vypadkach dadajucca inšyja. Voś u mianie taki simvał. Hety značok aznačaje, što kali mianie spynić DAI i paprosić pravy, u mianie abaviazkova musić być dziejsnaja miedyčnaja daviedka. U Biełarusi mnie heta žyć nie pieraškadžała.
A ŭ polskaj upravie dvojčy admovili prymać dakumienty. Skazali, što ŭ ich adpaviednika hetamu značku niama i jany ničoha mianiać nie buduć. Ja źviarnułasia ŭ Ministerstva infrastruktury z hetym pytańniem. Mnie prosta adpisku prysłali. Paśla ja źviarnułasia ŭ Kabiniet prezidenta Varšavy [adpaviednik administracyi biełaruskaha mera horada]. Tam sa mnoju vielmi chutka źviazalisia i skazali, što ŭ mianie pavinny pryniać dakumienty, bo heta nie ŭprava pastanaŭlaje, źmianić mnie pravy ci nie. Mnie prahavaryli ałharytm dziejańniaŭ i skazali, što źviernucca ŭ ambasadu Biełarusi ŭdakładnić.
Ja skazała, što ŭ mianie abarona. Jana kaža: «Dobra, značyć, u vašym vypadku ambasady nie budzie, budziem šukać vyjście», — raskazvaje Maryna.
Paśla hetaha dakumienty ŭ biełaruski pryniali biez anijakich udakładnieńniaŭ. Paśla miesiaca čakańnia Maryna znoŭ źviarnułasia va ŭpravu, kab daviedacca pra stan spravy.
«Na što mnie skazali, što tolki dva tydni tamu źviarnulisia ŭ ambasadu nakont mianie, kab udakładnić, u čym reč, tamu prosta čakajuć adkazu. Ja papiaredziła pra svoj status pradstaŭnicu hetaha Kabinietu prezidenta Varšavy, a ŭžo mienavita słužboŭcy, jaki prymaŭ dakumienty, nie papiaredžvała. Padumała, kali taja budzie zvanić, to, mahčyma, im niejkija instrukcyi daść ci niešta takoje.
Viedajučy, što my, majučy abaronu, nie možam uvohule ni źviartacca ŭ pasolstva, ni jechać u krainu, bo tam ryzykujem stracić status, mnie navat u hałavu nie mahło pryjści, što sami słužboŭcy, sama Polšča moža niejkim čynam zrabić heta.
Słužboŭca ni słova mnie nie skazaŭ pra ambasadu, što budzie rabicca zapyt ci čakajcie, nastupny krok voś taki. Viadoma, ja b adrazu skazała, što heta nie moj vypadak z ambasadaju», — padvodzić rysu Maryna.
Pasolstva Biełarusi ŭ Polščy paviedamlaje, što, kab zrabić daviedku, jakaja paćviardžaje najaŭnaść u biełarusa doma pravoŭ, treba dasłać u pasolstva ksierakopiju dakumientu, jaki paćviardžaje asobu (staronki ź piersanalnymi źviestkami na rasiejskaj/biełaruskaj movach i ŭ łacinskaj tranślitaracyi, z adznakaj ab rehistracyi ŭ Biełarusi abo ab pastanoŭcy na stały konsulski ŭlik), ksierakopiju paśviedčańnia kiroŭcy, paćvierdžańnie apłaty konsulskaha zboru i zajavu.
Biełaruskaje pasolstva rekamienduje «ŭkazvać numar telefona albo adras elektronnaj pošty dla mahčymaj suviazi», ale heta nie abaviazkova.
Čytajcie taksama:
Polskija čynoŭniki mahli pieradać źviestki pra biełarusaŭ u ambasadu Biełarusi. U čym pryčyna?
