Śledčy kamitet Biełarusi paviedamiŭ, što praciahvaje rasśledavać kryminalnyja spravy ŭ dačynieńni da słužbovych asob Polščy, Litvy i Łatvii.
SK abvinavačvaje krainy-susiedki ŭ žorstkim staŭleńni da mihrantaŭ. U viedamstvie zajaŭlajuć, što pa kryminalnaj spravie ŭ dačynieńni da polskich čynoŭnikaŭ paciarpiełymi źjaŭlajucca 166 zamiežnikaŭ, u dačynieńni da Łatvii — 38 zamiežnikaŭ. Usie jany sprabavali patrapić na terytoryju krain ES z terytoryi Biełarusi.
Siarod ludziej, jakich SK zapisaŭ u paciarpiełyja, hramadzianie Iraka, Irana, Afhanistana, Indyi, Siryi i dziaržaŭ afrykanskaha kantynienta.
Paviedamlajecca, što SK rasśleduje try kryminalnyja spravy. Čynoŭnikaŭ Polščy, Litvy i Łatvii abvinavačvajuć u «prapahandzie vajny», «złačynstvach suprać biaśpieki čałaviectva», «naŭmysnym pryčynieńni ciažkaj škody zdaroŭju», «pakidańni ŭ niebiaśpiecy» i «zabojstvie».
Imiony čynoŭnikaŭ, jakija fihurujuć u śpisie SK, nie nazyvajucca.
Čytajcie taksama:
Pamiežnaja słužba Polščy apublikavała VIDEA šturmu miažy vialikaj hrupaj mihrantaŭ
Polšča źbirajecca pastavić na miažy ź Biełaruśsiu 70-mietrovyja vyški
