Jak pakazała daśledavańnie, praviedzienaje ŭ Portsmuckim univiersitecie (Vialikabrytanija), piataja častka darosłych ludziej miarkuje, što ŭ ich alerhija na toj ci inšy charčovy pradukt.Adnak pry kliničnym abśledavańni hety dyjahnaz vyjaŭlajecca nie bolš čym u kožnaha piacidziesiataha ź ich. Žančyny pamylajucca čaściej za mužčyn, i časta nieabhruntavana ličać alerhikami svaich dziaciej, i pazbaŭlajuć ich karysnych praduktaŭ.
Ludzi pamylajucca, bo vierać pašyranym stereatypam pra alerhii, jakija ŭ apošnija dziesiacihodździ stali «modnym dyjahnazam». Čym samomu vyznačać chvarobu, lepiej źviarnucca da śpiecyjalista‑miedyka. Bo nieabhruntavanaja admova ad tych ci inšych praduktaŭ moža vyklikać u amataraŭ samadyjahnostyki i ich dziaciej deficyt šerahu vitaminaŭ, antyaksidantaŭ, charčovych vałoknaŭ.
