Prykładna z 500 tys. adzinak aŭtatranspartu, jaki znachodzicca ŭ pryvatnym karystańni ŭ Minsku, tolki 35% zabiaśpiečana miescami na aŭtastajankach i haražami.
Pra heta na pres‑kanfierencyi 27 studzienia paviedamiŭ načalnik upraŭleńnia achovy hramadskaha paradku i prafiłaktyki HUUS Minharvykankama Juryj Sarokin.
Pavodle jaho infarmacyi, ciapier u horadzie naličvajecca 230 aŭtastajanak i 250 haražna‑budaŭničych kaapieratyvaŭ.
Pry hetym Juryj Sarokin nazvaŭ paradaksalnaj situacyju, kali pry ahulnym deficycie miescaŭ, kudy možna pastavić aŭtamabil na noč, u toj ža čas na aŭtastajankach jość kala 2 tys. svabodnych miescaŭ.
Praŭda, havorka idzie tolki ab piaci ź dzieviaci rajonaŭ stalicy. Tak, u Zavodskim rajonie svabodnyja 343 miescy, Kastryčnickim — 305, Partyzanskim — 201, Pieršamajskim — 1.059, Savieckim — 285. U Frunzienskim, Centralnym, Leninskim i Maskoŭskim rajonach svabodnych miescaŭ niama. Čerhi naličvajuć ad 300 da 1.000 čałaviek.
0
0
0
0
0
0