Prapracoŭvajecca pytańnie ab praviadzieńni ŭ 2010 hodzie ŭ Biełarusi čarhovaj amnistyi. Pra heta paviedamiŭ 28 studzienia na pres‑kanfierencyi ŭ Minsku ministr unutranych spraŭ Anatol Kulašoŭ.
Pavodle jaho słoŭ, pytańnie ab praviadzieńni amnistyi zaraz abmiarkoŭvajecca ŭsimi zacikaŭlenymi viedamstvami. Rašeńnie moža być pryniata paśla atrymańnia ŭsich zaklučeńniaŭ, adznačyŭ ministr.
Kolkaść asob, jakija mohuć trapić pad amnistyju z nahody 65‑hodździa pieramohi ŭ Vialikaj Ajčynnaj vajnie, pakul nie padličvałasia.
«MUS zaŭsiody vystupaje za toje, kab u miescach pazbaŭleńnia voli jak maha mienš było asob, što adbyvajuć pakarańnie», — skazaŭ Kulašoŭ.
Papiaredniaja amnistyja ŭ Biełarusi pravodziłasia ŭ 2009 hodzie. Z zakrytych ustanoŭ byli vyzvaleny 2.126 čałaviek, termin zaklučeńnia na adzin hod skaročany 9.345 hramadzianam.
0
0
0
0
0
0
