Va ŭročyščy Mieračoŭščyna (kala h. Kosava, Ivacevicki rajon) u siadzibie-muziei Tadevuša Kaściuški projduć uračystaści z nahody 264-ych uhodkaŭ naradžeńnia našaha słavutaha ziemlaka, zmahara za svabodu, viadomaha nie tolki ŭ Biełarusi, ale i va ŭsim śviecie.
Tradycyjna ŭ mierapryjemstvach prymajuć udzieł dypłamaty ambasadaŭ tych krain, jakija taksama ŭšanoŭvać pamiać Tadevuša Kaściuški. Buduć udzielničać va ŭračystaściach žychary Bieraściejščyny, pradstaŭniki ŭładaŭ i demakratyčnaj hramadskaści (hramadskija arhanizacyi i palityčnyja partyi).
Akramia taho, u pačatku lutaha adznačajucca čarhovyja ŭhodki pačatku paŭstańnia 1863 hoda pad kiraŭnictvam Kastusia Kalinoŭskaha. U Kosavie na katalickich mohiłkach jość pomnik paŭstancam, ustalavany ŭ 1928 hodzie.
Prapanujem vam taksama dałučycca da ŭračystaściaŭ, jakija projduć 4 lutaha ŭ siadzibie-muziei Tadevuša Kaściuški. Zaprašajem usich ludziej dobraj voli, jakim darahaja pamiać ab našych słavutych prodkach, uskłaści zmaharam za našu i vašu svabodu daninu pavahi.
Da hetych padziejaŭ redakcyjaj historyka-krajaznaŭčaha biuleteniu «Recha Bieraściejščyny» vydadzienyja dva pamiatnyja buklety, jakija možna spampavać u farmacie pdf na sajcie «Haziety dla vas» — štohadovaha infarmacyjnaha partniora mierapryjemstvaŭ u Maračoŭščynie.