Dziaržaŭny muziej historyi biełaruskaj litaratury 4 lutaha ŭ 18 30 zaprašaje na adkryćcio vystavy minijaciurnych vydańniaŭ «Dzivosy na dałoniach» z kalekcyi Jaŭhiena Ksienieviča i fondaŭ muzieja.
Pačatak źbiralnictva rukapisaŭ i knih u našaj krainie adnosiać da ChVI st. U druhoj pałovie XX st. uźnikła novaja halina źbiralnictva, jakaja paźniej stała šyroka viadoma jak ruch amataraŭ minijaciurnaj knihi.
Minijaciurnaja kniha Biełarusi maje svaju historyju. Pieršyja takija knihi źjavilisia ŭ našaj krainie ŭ 17‑18 stst.: Malitvasłoŭ (Mahiloŭ, 1695), Śviatcy (Suprasl, 1786). Prykładna tolki adna sa 100 000 knih vydajecca ŭ minijaciurnym farmacie. Takija knihi źjaŭlajucca vielmi redkimi. Minijaciurnyja vydańni zaŭsiody vyklikajuć cikavaść svaim pamieram, zručnaściu ŭ karystańni i źmiastoŭnaściu.
Na vystavie pradstaŭleny knihi samaj roznaj tematyki:
zborniki suśvietna viadomych paetaŭ i prazaikaŭ roznych časoŭ, pačynajučy z epochi Siaredniaviečča, šmatlikija daviedniki i encykłapiedyi, jakija źmiaščajucca ŭ kišeni, humarystyčnyja vydańni.
Asobny raździeł pradstaŭlajuć minijaciury pra Biełaruś, zborniki tvoraŭ kłasikaŭ našaj litaratury, kaštoŭnaści duchoŭnaj spadčyny, a taksama ekskluziŭnaja kalekcyja minijaciurnych vydańniaŭ tvoraŭ Siarhieja Jasienina.
Vystava pryśviačajecca 520‑hodździu z dnia naradžeńnia pieršadrukara i aśvietnika F. Skaryny. Siarod zaprošanych na mierapryjemstva — mastaki knihi, biblijatekary, vydaŭcy, muziejnyja supracoŭniki.
Minsk, Trajeckaje pradmieście, vuł. M. Bahdanoviča, 15.
