Pa aŭtobus. Łondan.
Jak vyśviatlajecca, našaje zaŭsiodnaje jeŭrapiejskaje stajańnie ŭ čarzie — niešta nakštałt staražytnaj tradycyi. Prynamsi, tak ličać u brytanskim uradzie. Nieŭzabavie zamiežnym hramadzianam, jaki zachočuć atrymać brytanskaje hramadzianstva, treba budzie prachodzić kurs, paśla jakoha jany navučacca vietliva i ciarpliva čakać svajoj radoŭki na aŭtobusnym prypynku, u paštovym adździaleńni i zavodskim bufiecie.
Chaj heta hučyć, jak anhlijski žart, ale ministr imihracyi Fił Vołas nastrojeny surjozna, i davodzić, što ŭrad maje namiery adčynić padobnyja kursy, kab vychavać novaprybyłych, pakolki šmat chto ź imihrantaŭ nie ŭmieje ciarpliva stajać u čarzie pa hramadskija pasłuhi i hetak stvaraje napruhu ŭ hramadstvie.
«Stajańnie ŭ čarzie — nacyjanalny zvyčaj, jaki abjadnoŭvaje našu krainu, — skazaŭ Fił Vołas u intervju «Dejli Telehraf». — Vielmi važna, kab novyja hramadzianie navučylisia čakać aŭtobusa i ciarpliva stajać u čarzie pa kubak harbaty».
Spadar ministr dadaŭ: «U Brytanii stajańnie ŭ čarzie daje pačućcio roŭnaści, a kali niejkija ludzi ŭłaziać u čarhu, abo niezakonna abychodziać jaje, u brytancaŭ naradžajecca mocnaje pačućcio hnievu. Ja pierakanany, što bolšaść imihrantaŭ paličyć z radaściu vyvučać našyja zvyčai».
Kali kurs pa stajańni ŭ čarzie projdzie ŭchvału ŭ parłamiencie, dyk jon budzie dałučany da piśmovaha ispytu na prava atrymać hramadzianstva. Toj ispyt uklučaje pytańni na roznyja temy: ad anhlijskaj historyi da pop-muzyki.
