Baćku lidera «Maładoj Biełarusi» Artura Fińkieviča Uładzimiera vyklikali na sustreču ŭ KDB.
Padčas sustrečy supracoŭnik KDB raspavioŭ Uładzimiru ab planach Artura balatavacca ŭ jakaści kandydata na miascovych vybarach i pasprabavaŭ pierakanać jaho paŭpłyvać na syna i uhavaryć jaho «pierastać zajmacca hłupstvam».
Padrabiaznaści paviedamiła presavaja słužba niezarehistravanaha ruchu «Maładaja Biełaruś».
Paśla taho, jak Uładzimir Fińkievič zajaviŭ, što ličyć svajho syna darosłym čałaviekam, jaki sam moža vyrašać, što jamu rabić, i što, na jahonuju dumku, Artur nia robić ničoha kiepskaha, supracoŭnik pačaŭ pahražać. Jon zajaviŭ, što na Artura Fińkieviča napisanaja zajava ab tym, što jon uciahvaje ludziej u supraćpraŭnuju dziejnaść pavodle artykuła 193–1 KK, što z hetaj nahody na jaho budzie zaviedzienaja kryminalnaja sprava, pavodle jakoj KDB ŭžo nibyta dapytała «dziasiatki ludziej pa ŭsioj krainie».
