Biarezinski bijaśfierny zapaviednik raspracavaŭ novy ekskursijny maršrut «Tajny zapaviednaha bałota». Pra heta paviedamiła kansultant departamienta pa turyzmu Ministerstva sportu i turyzmu Biełarusi Alena Sałaŭjova.
Ekskursijny maršrut prapanujecca prajści piaškom, jaho praciahłaść składaje ŭsiaho niekalki hadzin. U čas ekskursii turysty zmohuć pabyvać na zapaviednych bałotach i ŭbačyć ptušak i žyvioł, jakija tam pražyvajuć.
Akramia taho, padarožnikaŭ čakaje siurpryz.
Kali jany buduć prachodzić praź lasnyja huščary abo bałotnyja zaraśniki, na ich moža «nakinucca» zahadkavaja istota. Pryčym uźniknie jana vielmi niečakana, naprykład, saskočyć z dreva abo vylezie z bałotnaj vady.
Pryhledzieŭšysia, turysty zmohuć paznać u joj miascovaha bałotnika, jaki achoŭvaje svaje ŭładańni.
***
Biarezinski bijaśfierny zapaviednik štohod prymaje kala 25 tys. turystaŭ, prapanujučy raznastajnyja prahramy znachodžańnia: ad adnadzionnych naviedvańniaŭ muzieja pryrody, demanstracyi valjeraŭ ź dzikimi žyviołami i ekałahičnaj ściežki da šmatdzionnych śpiecyjalizavanych ekałahičnych turaŭ.
Bahataja fłora zapaviednika naličvaje kala 800 vidaŭ vyšejšych sasudzistych raślin, 216 vidaŭ imchoŭ, 317 — vodaraściej, 463 — hryboŭ, 238 — lišajnikaŭ. Tut adznačana 56 vidaŭ mlekakormiačych, siarod jakich zubr, bury miadźviedź, ryś, barsuk, vydra. Arnitafaŭna zapaviednika naličvaje 230 vidaŭ ptušak. Žyviolny śviet dapaŭniajuć 34 vidy ryb, 11 — ziemnavodnych, 5 — paŭzunoŭ, zvyš 4000 vidaŭ bieschrybietnych, ź jakich bolš za 3000 — nasiakomyja.
