U Pružanskaj centralnaj rajonnaj balnicy 15 krasavika kala 18.00 pamior druhi piłot motadeltapłana, jaki paciarpieŭ krušeńnie. Heta žychar Kobryna 1959 hoda naradžeńnia.
Jak paviedamiŭ namieśnik bresckaha transpartnaha prakurora Viktar Strok, u druhoha piłota byli čerapna‑mazhavaja traŭma, šmatlikija ŭdary i pierałomy.
Avaryja motadeltapłana, na borcie jakoha znachodzilisia dva piłoty, adbyłasia 15 krasavika prykładna ŭ 10.40 kala vioski Vialiki Jakavičy (prykładna za 3 km ad Pružan) pry praviadzieńni vučebna‑trenirovačnych palotaŭ.
Deltapłan upaŭ z vyšyni 80‑100 mietraŭ.
Na miescy zdareńnia zahinuŭ adzin ź piłotaŭ — žychar Bresta 1964 hoda naradžeńnia. Druhi byŭ dastaŭleny ŭ reanimacyjnaje adździaleńnie Pružanskaj centralnaj rajonnaj balnicy.
Motadeltapłan naležyć TAA «Pružany Avijachimservis».
Pravierku pa fakcie krušeńnia motadeltapłana pravodzić Bresckaja transpartnaja prakuratura. Akramia jaje rasśledavańniem zdareńnia zajmajecca kamisija departamienta pa avijacyi. Pavodle papiarednich źviestak, deltapłan byŭ spraŭny, jaho ruchavik pracavaŭ i paśla padzieńnia.
Jak adznačyŭ Strok, pa vynikach pravierki budzie vyrašacca pytańnie ab raspačynańni kryminalnaj spravy.
