U Litvie Biełaruś nie buduć nazyvać Belarus. Takoje rašeńnie pryniała Dziaržaŭnaja kamisija pa litoŭskaj movie, razhledzieŭšy zvarot MZS Biełarusi.
«Kamisija pa litoŭskaj movie, vyvučyŭšy mierkavańnie litoŭskich historykaŭ, pryniała rašeńnie pakinuć raniejšy varyjant — Baltarusija — niahledziačy na toje, što heta spadčyna savieckaha času», — skazała staršynia kamisii Irena Śmietonienie.
Pa jaje słovach, biełaruski bok «vielmi karektna» cikaviŭsia, jakim čynam nazva Respubliki Biełaruś mahła b adbicca ŭ litoŭskaj movie.
«My pryniali da ŭvahi mierkavańnie historykaŭ. Litoŭski instytut historyi nakiravaŭ nam svoj list, u jakim havorycca, što tak, była kaliści Baltoji Rusia (Biełaja Ruś), i što nazva Baltarusija — heta spadčyna savieckich časoŭ, ale jana ŭžo stała tradycyjnaj. Inšy list pryjšoŭ ź Vilenskaha univiersiteta, u im kazałasia, što bolšaść navukoŭcaŭ fakulteta historyi trymajucca dumki, što niemetazhodna mianiać nazvu susiedniaj krainy i rajać praciahvać nazyvać jaje Baltarusijos Respublika — skaročana Baltarusija. My z hetym mierkavańniem zhodnyja, usio‑taki bieź vialikaj nieabchodnaści mianiać nazvu krainy nie varta», — skazała I. Śmietonienie.
Zastajecca taksama i tradycyjnaja nazva Gudija.
Čytać jašče:
Jak Biełaruś nazyvajuć u inšych krainach dy inšyja narody?.
