Na pracesie pa spravie vaŭkavyskich pradprymalnikaŭ, jaki prachodzić u Viarchoŭnym sudzie 16 krasavika, prakuror Eldar Safaraŭ zapatrabavaŭ pryhavaryć adnaho ź fihurantaŭ Mikałaja Aŭtuchoviča da 20 hadoŭ kałonii ŭzmocnienaha režymu z kanfiskacyjaj majomaści. Dziaržabvinavaŭca zajaviŭ, što ličyć Aŭtuchoviča vinavatym pa ŭsich epizodach kryminalnaj spravy.
Jašče dvuch fihurantaŭ spravy, Uładzimira Asipienku i Alaksandra Łaryna, prakuror zapatrabavaŭ pryhavaryć da 11 hadoŭ pazbaŭleńnia voli ŭ kałonii ŭzmocnienaha režymu. Dla Michaiła Kazłova prakuror zapytaŭ try hady kałonii ahulnaha režymu biez prava zajmać kirujučyja pasady.
***
Nahadajem, Viarchoŭny sud razhladaje kryminalnuju spravu, pa jakoj prachodziać Aŭtuchovič, Asipienka, Łaryn i Kazłoŭ. Pieršych troch abvinavačvajuć u padrychtoŭcy terarystyčnaha akta ŭ dačynieńni da namieśnika ministra pa padatkach i zborach Vasila Kamienki i byłoha staršyni Hrodzienskaha abłvykankama Uładzimira Saŭčanki. Aŭtuchoviča i Asipienku taksama abvinavačvajuć u arhanizacyi padpału doma byłoha načalnika Vaŭkavyskaha RAUS Siarhieja Kacuby ŭ 2004 hodzie.
Padpałkoŭnik milicyi Michaił Kazłoŭ, były kiraŭnik UBAZ pa Hrodzienskaj vobłaści, abvinavačvajecca ŭ tym, što viedaŭ ab płanach padrychtoŭki terarystyčnaha akta, ale nie pryniaŭ mier pa jaho praduchileńni.
