Papiaredničać hetamu budzie carkoŭnaje błasłavieńnie.
3 maja lider ruchu «Za Svabodu!» Alaksandr Milinkievič aficyjna daść start svajoj vybarčaj kampanii.
Napačatku a 11‑j projdzie malebien u carkvie Śviatych Piatra i Paŭła, a ŭ 11.30 u adnym ź minskich kaściołaŭ. Paśla hetaha ŭ hateli «Jeŭropa» budzie abvieščana pra pačatak pieradvybarčaj kampanii A. Milinkieviča.
Lider Ruchu za Svabodu idzie na vybary pad prajeŭrapiejskimi łozunhami, paviedamlaje sajt ADS.
U 2006 h. Milinkievič užo ŭdzielničaŭ u prezidenckich vybarach u jakaści adzinaha kandydata ad demakratyčnych siłaŭ. Pavodle źviestak niezaležnych sacyjałahičnych apytańniaŭ, palityk zdabyŭ padtrymku 18% vybarcaŭ. U 2001 hodzie byŭ kiraŭnikom pieradvybarčaj kampanii Siamiona Domaša.
Pra svoj udzieł u budučych prezidenckich vybarach zajavili taksama Aleś Michalevič, Vital Rymašeŭski (Biełaruskaja Chryścijanskaja Demakratyja), Mikałaj Statkievič, Andrej Sańnikaŭ (kaardynatar «Chartyi'97»).
Zajaviła de-fakta pra svoj udzieł u budučaj kampanii Abjadnanaja hramadzianskaja partyja (kali nie budzie adzinaha kandydata ad demakratyčnych sił). Treci raz budzie bałatavacca Siarhiej Hajdukievič. «Vahajecca» Alaksandr Łukašenka.
