30 krasavika — 2 maja na terytoryi Biełarusi było zarehistravana 44 darožna‑transpartnyja zdareńni z paciarpiełymi, u jakich 17 čałaviek zahinuli, u tym liku adno dzicia, i 41 atrymaŭ ranieńni. Siarod traŭmavanych — troje dziaciej.
U pryvatnaści, 2 maja kala 18 hadziny ŭ Žłobinskim rajonie 25‑hadovaja žančyna, kirujučy aŭtamabilem «Opiel Viektra», vykonvajučy manieŭr abhonu spadarožnaha aŭtamabila, nie spraviłasia z kiravańniem, źjechała ŭ levy pa chodzie ruchu kiuviet, dzie aŭtamabil niekalki razoŭ pierakuliŭsia. U vyniku DTZ 17‑hadovaja pasažyrka vypała z mašyny na abočynu i ad atrymanych cialesnych paškodžańniaŭ pamierła na miescy zdareńnia.
30 krasavika ŭ 22.30 25‑hadovy vadziciel aŭtamabila «Ford Mandea», jaki ruchaŭsia pa aŭtadarozie Kalinaŭka — Lubań u Minskaj vobłaści, učyniŭ najezd na brata i siastru (15 i 18 hadoŭ), jakija išli nasustrač pa pravym krai prajeznaj častki. Chłopiec zahinuŭ, a dziaŭčyna špitalizavana.
0
0
0
0
0
0
