U Lachavickim rajonie zahinuła 74‑hadovaja piensijanierka, na jakuju najechaŭ aŭtamabil.
Darožnaje zdareńnie adbyłosia 22 maja dniom u vioscy Zapolle. 33‑hadovy žychar vioski Rahačy, jaki nie mieŭ paśviedčańnia, ruchajučysia pa vulicy Savieckaj, nie spraviŭsia z kiravańniem aŭtamabilem «Folksvahien—Poła». U vyniku jon źjechaŭ z darohi i zrabiŭ najezd na pažyłuju žančynu, jakaja siadzieła na łaŭcy kala svajho doma. Ad atrymanych traŭmaŭ jana pamiorła na miescy zdareńnia.
Pa hetym fakcie raspačata sprava pa č. 2 art. 317 Kryminalnaha kodeksa (parušeńnie praviłaŭ darožnaha ruchu abo ekspłuatacyi transpartnych srodkaŭ). Kiroŭca zatrymany.
0
0
0
0
0
0
