Urad Biełarusi 21 červienia nakiravaŭ «Hazpromu» list, u jakim prapanuje kampramisny varyjant vychadu z kryzisnaj sytuacyi ŭ hazavaj sfery.
List padpisany pieršym namieśnikam premjer-ministra Uładzimiram Siamaškam, paviedamili BIEŁTA ŭ aparacie Saŭmina.
Zhodna z prapanavanym biełaruskim bokam varyjantam, «Hazprom» nieadkładna hasić zapazyčanaść za tranzyt pryrodnaha hazu pierad «Biełtranshazam» u pamiery $217 młn., a «Biełtranshaz» da 23 červienia 2010 hoda ŭ poŭnym abjomie raźličvajecca za pastaŭleny ŭ Biełaruś u traŭni 2010 hoda haz. Da 5 lipienia 2010 hodu «Biełtranshaz» hasić zapazyčanaść u pamiery $187 młn., jakaja ŭtvaryłasia za studzień-krasavik 2010 hodu.
Pry hetym biełaruski bok prosić rasiejski bok ŭstrymacca ad dalejšaha abmiežavańnia pastavak hazu ŭ Biełaruś da poŭnaha vykanańnia ŭzajemnych abaviazacielstvaŭ. U advarotnym vypadku «Hazprom» budzie padšturchoŭvać rabić adbor hazu z tranzytnaj hazatranspartnaj systemy dla zadavalnieńnia ŭ poŭnaj miery patreb narodnaj haspadarki i nasielnictva Biełarusi, — piša ŭ svaim liście Siamaška.
