Žyvie Jeŭropa! 9

Niamieččyna nie pakinuła kamandzie Maradony šancu. 4:0 — fiejeryčnaja pieramoha kamandy Kłoze. Za matčam nazirała kanclerka Niamieččyny Anhieła Mierkiel.

Usio pačałosia z hoła Miulera.

Heta byŭ čysty razhrom — 4:0. Zbornaja Niamieččyny vyjšła ŭ paŭfinał čempijanatu śvietu ŭ PAR. Mirasłaŭ Kłoze zabiŭ svoj 14-j hoł na čempijanatach. Siarod udzielnikaŭ turniru lepšy pakazčyk maje adzin Ranalda.

Preč hamanu pra dehradacyju jeŭrapiejskaha futboła. Niderłandy pravučyli zornych brazilcaŭ. A čorna-žoŭtyja nie pakinuli šancaŭ pafasnaj kamandzie Maradony, što hetak dobra startavała.

Čarhovaja duel jeŭrapiejcaŭ i łacinasaŭ pieraŭzyšła ŭsie čakańni. Kanclerka Hiermanii Anhieła Mierkiel i prezident Zuma na trybunach byli ŭ zachapleńni.

Heta była asałoda i dla miljonaŭ hledačoŭ va ŭsim śviecie. Taki futboł pabačyš niačasta.

Užo na treciaj chvilinie niemcy zdabyli prava na štrafny. Bastyjan Švajnštajhier padaŭ, Tomas Miuler vyskačyŭ z-za śpin abaroncaŭ i hałavoju skiravaŭ miač u sietku.

Niemcy zavałodali inicyjatyvaŭ i dyktavali volu ciaham usiaho matča.

Praŭda, na 37-j chvilinie Ihuain zabiŭ hoł, ale z čystaha afsajda. Sudździa Raŭšan Irmataŭ spracavaŭ biedakorna.

Druhi hoł niemcy zabili ŭ kontratacy na 68-j chvilinie. Padolski ź levaha fłanha štrafnoj zrabiŭ prastreł na Kłoze, i toj litaralna ź mietra rasstralaŭ pustuju bramu.

Razhrom daviaršyli Frydrych i toj samy Kłoze. Apošni hoł jon zabiŭ na 89-j chvilinie.

Apošnim paŭfinalistam čempijanatu śvietu stała zbornaja Ispanii. Jana ź minimalnym likam abyhrała kamandu Parahvaja. Pieramohu hišpancam prynios hoł Davida Vilji, jaki vyjšaŭ na pieršaje miesca ŭ śpisie bambardziraŭ turniru.

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH