Siarhiej Smatryčenka pierakładzie na biełaruskuju raman Jachima Topała pra Biełaruś.
Ale pierakład treba čakać nie raniej, čym praz hod.
Kniha češskaha piśmieńnika «Praz chałodnuju ziamlu» źjaviłasia letaś. U aryhinale jana mieła nazvu «Cech djabła». Ale ŭ apošni momant, kali kniha była hatovaja da druku, pryjšłosia jaje pieranazvać. Bo ŭ Čechii mienavita jak «Cech djabła» vyjšaŭ aŭstryjska-niamiecki mastacki film, viadomy ŭ nas pad nazvaj «Falšyvamanietčyki». Ale pa-biełarusku, zapeŭnivaje pierakładčyk, kniha źjavicca ŭ pieršapačatkovym varyjancie.
«Praz chałodnuju ziamlu» składajecca ź dźviuch častak. Dziejańni pieršaj
adbyvajucca ŭ miastečku Terazeń u Čechii, dzie ŭ časy Druhoj suśvietnaj vajny znachodziŭsia fašyscki kancłahier. Maładyja ludzi, prodki jakich pieražyli tuju vajnu, pryjazdžajuć siudy ŭ naš čas, kab zładzić miemaryjał. Ale jon pavinien paŭstać u vyhladzie pasielišča, u jakim buduć žyć ludzi. Čechi znajomiacca z dvuma biełarusami. I dalej dziejańni knihi adbyvajucca ŭ Biełarusi, u jakoj dziŭna pieraplatajecca historyja i sučasnaść: aŭtar pieranosić lasnych partyzanaŭ u naš čas.
Siarhiej Smatryčenka miarkuje pierakłaści knihu ŭ nastupnym hodzie. Pa jaho słovach, sam Topał pabojvajecca reakcyi na pierakład: jon baicca abrazić biełaruskaha čytač svaim tvoram. Ale sp. Smatryčenka kaža pra taki svojeasablivy styl piśmieńnika. Jon miarkuje, što razumny čałaviek zrazumieje, što heta vydumka, a nie realnaść.
A hałoŭnaja dumka, jakuju chacieŭ danieści aŭtar, u tym, što
Biełaruś — miesca, dzie adbyvalisia ci nie samyja trahičnyja padziei Druhoj suśvietnaj vajny. I mienavita tut varta stvarać «zapaviednik pamiaci pra tyja časy».
***
Siarhiej Smatryčenka — pierakładčyk. Naradziŭsia ŭ 1977 hodzie ŭ Viciebsku. Skončyŭ fiłfak BDU. Na biełaruskuju pierakłaŭ tvory Jachima Topała, Jozefa Topała, Miłana Kundery, Vacłava Havała.
