Va Ukrainie čas paviarnuŭ nazad: usiaho praz 6 miesiacaŭ paśla prezidenckich vybaraŭ ad demakratyčnaha praryvu ŭ krainie nie zastałosia i śledu.Ukrainski paet, prazaik, pierakładčyk, eseist Jury Andruchovič kaža ab «unutranaj akupacyi» svajoj krainy i źviartajecca z zaklikam da Jeŭropy. Jaho artykuł publikuje Frankfurter Allgemeine Zeitung.
«Siońniašniaja Ukraina ŭjaŭlaje saboj źmiastoŭnaje navučalny dapamožnik na temu «Nietryvałaść demakratyi, abo Jak nas znoŭ viaduć da dyktatury», — piša Andruchovič.
Jak adznačaje
Adnak na spravie akazałasia, što Kanstytucyja — nie takaja ŭžo niedatykalnaja, a vyznačalnym faktaram dla realizacyi rašeńniaŭ źjaŭlajecca kolkaść «svaich» sudździaŭ u Kanstytucyjnym sudzie.
«Užo da siaredziny sakavika novaabrany prezident niečakana zasiarodziŭ u rukach usiu ŭładu i raźviarnuŭ krainu na 180 hradusaŭ, — praciahvaje aŭtar. — Siońnia jon maje bolšaść u parłamiencie, nieabchodnuju jamu dla realizacyi zahadaŭ i ihnaravańnia apazicyi». U jakaści prykładu piśmieńnik pryvodzić načnoje hałasavańnie ab asnovach zamiežnaj palityki. Z 420 prapanovaŭ apazicyi nivodnaje nie było ŭličanaje.
Pry hetym Kanstytucyjny sud — nie adzinaja padkantrolnaja prezidentu instancyja. «Mnie nie viadoma nivodnaha
Ukraincy advykli ad taho, što mirnyja demanstracyi razhaniajuć siłaj praz toje, što ludzi niasuć «nie tyja ściahi i łozunhi». «Ale bolš za ŭsio ździŭlaje navat nie małankavaja ŭzurpacyja ŭłady, a imklivaje viartańnie strachu», —piša aŭtar, dadajučy, što bolš za ŭsio jon baicca, što na źmienu strachu pryjdzie apatyja. Dzie taja Ukraina, što hrukała ŭ dźviery Jeŭropy i na jakuju ŭskładalisia nadziei, zadajecca jon pytańniem.
Usio čaściej ciapier možna pačuć pra «prafiłaktyčnyja hutarki» z žurnalistami i pradstaŭnikami hramadskaści, pra nienaviaźlivyja — pakul — sproby vierbavańnia i zapałochvańnia, a taksama pra «śpisy łajalnych».Tak ci inakš, zaŭvažaje piśmieńnik, možna nazirać pieratvareńnie Słužby biaśpieki Ukrainy ŭ palityčnaha cerbiera, a dziaržavy — u palicejski režym. «My viarnulisia ŭ minułaje, časam uźnikaje adčuvańnie, što za aknom znoŭ
I ničoha novaha ŭ hetym niama, upeŭnieny aŭtar. Štości padobnaje možna nazirać u pucinskaj Rasii — nievypadkova Viktar Janukovič užo zahavaryŭ ab «suvierennaj ukrainskaj demakratyi», u jakoj Partyi rehijonaŭ advodzicca rola miascovaha varyjantu «Adzinaj Rasii».
«Adno niezrazumieła: navošta režymu Janukoviča patrebnaja Jeŭropa?Navošta ŭsie hetyja hulni ŭ intehracyju i niaźmiennaja jeŭrarytoryka? Ci ž havorka idzie ab uzajemadziejańni z bankami, pra zvykły adpačynak na Sardynii, u
Va Ukrainie ŭžo źjaviŭsia novy termin — «unutranaja akupacyja». «Nas akupavali znutry z dapamohaj prezidenckich vybaraŭ i parłamienckich machinacyj. Naša budučynia bačycca mnie ŭ biazradasnych farbach», — piša aŭtar, nie stračvajučy pry hetym nadziei. «Prosta nie moža być, kab takaja anachraničnaja sistema, jakaja vyjšła sa spadčyny Stalina, pieramahła ŭ praciahłaj histaryčnaj pierśpiektyvie. Usia maja nadzieja hruntujecca na hetym niebiassprečnym pierakanańni. Abo na tym, što ad jaho jašče zastajecca siońnia».
Amierykanskija arhanizacyi raskrytykavali Janukoviča
Najbližejšymi dniami International Republican Institute i National Democratic Institute — arhanizacyi, jakija pradstaŭlajuć asnoŭnyja palityčnyja partyi ZŠA, raspaŭsiudziać sumiesnuju zajavu z krytykaj u adras prezidenta Ukrainy Janukoviča. Arhanizacyi majuć namier papraknuć ukrainskaha lidera ŭ zhortvańni demakratyi, dasiahnutaj paśla «pamarančavaj revalucyi».
U tekście zajavy hałoŭnaja ŭvaha nadajecca zakonu ab vybarach, padpisanamu Janukovičam 27 lipienia. «Hety zakon niespraviadliva źmianšaje šancy apazicyjnych partyj na pieramohu na najbližejšych vybarach u abłasnyja zakanadaŭčyja orhany, pryznačanyja na 31 kastryčnika», — havorycca ŭ zajavie. Zakon zabaraniaje ŭdzieł u vybarach vybarčych błokaŭ i partyj, zarehistravanych mienš za hod tamu. Abmiežavańni «vyhladajuć nieracyjanalnymi, zvažajučy na pryncypy, ustanoŭlenyja Kanstytucyjaj Ukrainy, a taksama mižnarodnymi abaviazalnictvami, jakija ŭziała na siabie Ukraina», — havorycca ŭ dakumiencie.
