Nieaficyjny samit kiraŭnikoŭ dziaržaŭ-siabroŭ Arhanizacyi Damovy ab kalektyŭnaj biaśpiecy pačniecca ŭ Jerevanie 20 žniŭnia.
Padčas samitu čakajecca sustreča kiraŭnikoŭ Biełarusi i Rasiei.
Jak paviedamili ŭ pres-słužbie prezydenta Armenii, u ramkach samitu adbuducca nieaficyjnyja sustrečy kiraŭnikoŭ krain-siabroŭ ADKB, u Jerevanie i ŭ kurortnym horadzie Sievan buduć praviedzienyja rabočyja abmierkavańni i šerah dvuchbakovych sustreč.
Planujecca, jak pieradaje ahienctva ArmInfo, što ŭ ramkach samitu buduć abmierkavany pytańni rehijanalnaj biaśpieki, u tym liku supracoŭnictva pamiž krainami-siabrami ADKB u pytańniach procidziejańnia ciapierašnim vyklikam i pahrozam.
U ADKB uvachodziać Armenija, Biełaruś, Kazachstan, Kirhizstan, Rasieja, Tadžykistan i Ŭzbekistan.
