Ci isnuje vodar, zdolny skarać sercy? Tak, kab prosta nanieści paru kroplaŭ na zapiaście i źvieści z rozumu ŭsich pradstaŭnikoŭ supraćlehłaha połu?Kali vieryć rekłamie, amal usie duchi, dezadaranty i inšyja srodki hihijeny majuć takija čaroŭnyja ŭłaścivaści. Chacia naŭrad ci prosty hiel dla duša moža nasamreč zrabić kahości seksualnym. Tym nie mienš, pachi majuć naŭprostavyja adnosiny da pryvabnaści.
Viadomy navukoviec z Čykaha Ałan Chirš pryśviaciŭ vyvučeńniu raznastajnych pachaŭ niamała navukovych pracaŭ i pryjšoŭ da vielmi cikavych vysnovaŭ. Vyniki daśledavańnia pakazali, što roznyja vodary mohuć pavialičvać seksualnuju ciahu. Tak, naprykład, dla bolšaści mužčyn najbolš seksualnym źjaŭlajecca pach łavandy i harbuzovaha piraha.
Druhoje miesca zajmaje pach śviežaśpiečanych pončykaŭ. Pavialičyć seksualnaje žadańnie ŭ mužčyn mohuć taksama pach apielsina, cynamonu, koły i papkornu. Tak što ŭsie spakušalnicy mohuć śmieła zapasacca kołaj i papkornam abo šukać recept harbuzovaha piraha.
Pach šakaładu maje čaroŭnaje ŭździejańnie na žančyn. Vodar čornaha šakaładu nie tolki pavyšaje libida, ale i palapšaje nastroj.
Samyja cikavyja fakty pra pachi
Pach vyznačaje vybar partniora. My na padśviadomym uzroŭni vybirajem seksualnaha partniora pa pachu. Niuch padkazvaje nam, jaki partnior najbolš padychodzić dla praciahu rodu. Isnuje mierkavańnie, što indyvidualny pach čałavieka niasie ŭ sabie infarmacyju pra stan jaho zdaroŭja i nabor hienaŭ.
Pachi mohuć zachoŭvać uspaminy. Pra heta viedali jašče staražytnyja maja i vykarystoŭvali skrynački z roznymi pachami zamiest fotaalboma. Z dapamohaj pachaŭ indziejcam maja ŭdavałasia zachavać ščaślivyja abo značnyja momanty žyćcia ŭ pamiaci i pry žadańni znoŭ uzhadać i pieražyć emocyi dalokaha dnia, tolki adkryŭšy patrebnuju skrynačku i paniuchaŭšy jaje źmieściva. Navukoŭcy ličać, što vodary zdolnyja adnaŭlać žyvyja karcinki ŭ našym ujaŭleńni i vyklikać asacyjatyŭny šerah. Tak, naprykład, dla bolšaści žycharoŭ postsavieckaj prastory pach cytrusavych asacyjujecca z Novym hodam.
Čaroŭnyja ŭłaścivaści vanili
U parfumieryi vanil pačali vykarystoŭvać paraŭnalna niadaŭna. Ciapier možna znajści sotni kremaŭ, duchaŭ i hielaŭ dla duša z pacham vanili. Takoje zachapleńnie hetym vodaram nievypadkovaje. Navukova dakazana, što pach vanili supakojvaje i źnižaje stres. Pach vanili vykarystoŭvajuć taksama dla aramatyzacyi pamiaškańniaŭ i… dla adpužvańnia kamaroŭ! Akramia vanili niekatoryja bujnyja kampanii vykarystoŭvajuć u svaich ofisach cytrusavy vodar dla pavyšeńnia pracazdolnaści rabotnikaŭ, a taksama chvajovyja pachi, kab źnizić stamlalnaść. Isnujuć vodary, zdolnyja ŭpłyvać navat na pakupnickuju zdolnaść.
Vodar davieru
Hieroj ramana Patryka Ziuskinda «Parfuma» sprabavaŭ zavajavać usieahulnuju luboŭ i davier, kambinujučy pachi i praviarajučy ich uździejańnie na navakolnych. Kampanienty čaroŭnaj parfumy
«Parfuma» — heta tolki litaraturnaja vydumka, ale, jak akazałasia, pach, što vyklikaje davier,
