Biełaruskaja niadzielnaja škoła imia Uładzimira Karatkieviča paŭstanie ŭ Talinie. Dazvoł ministerstva adukacyi Estonii na stvareńnie ŭstanovy dniami atrymaŭ adzin z arhanizataraŭ škoły Artur Curbakoŭ.
Ideja stvaryć škołu paŭstała paśla zvarotaŭ baćkoŭ, jakija vyrašyli arhanizavacca, kab ich dzieci vyvučali i čuli rodnuju movu, havoryć Artur Curbakoŭ.
— Zaraz nastaŭ vielmi važny krok. Treba nabrać jak minimum šasnaccać vučniaŭ, kab razmaŭlać ab finansavańni hetaj škoły. Mnie padajecca, što dla raźvićcia biełaruskaj kultury adkryćcio niadzielnaj škoły nastupny krok, bo z televizaru ŭsprymać biełaruskuju movu mnohim ciažka. Sustrakaju ludziej i jany skardziacca, što dzietki nie cikaviacca našaj kulturaj, dyk davajcie
Ciapier pravodzicca nabor u niadzielnuju škołu imia Uładzimira Karatkieviča ŭ Talinie. Ciaham hodu moładź budzie vyvučać biełaruskuju movu historyju dy litaraturu pa tvorach Uładzimira Karatkieviča. Ź ciaham času biełaruskaja supołka Estonii, što naličvaje kala 14 tysiač, maje namier adkryć biełaruskija kłasy ŭ estonskich škołach.
