Bujnaja avaryja adbyłasia ŭ Pružanskim rajonie 5

U vyniku sutyknieńnia troch aŭtamabilaŭ u Pružanskim rajonie dva čałavieki zahinuli, treci — atrymaŭ ciažkija traŭmy.

Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, avaryja adbyłasia 29 žniŭnia, a druhoj hadzinie nočy na aŭtadarozie Pružany — miaža Polščy niepadalok ad vioski Staravola. 23-hadovy žychar hetaj vioski nie spraviŭsia z kiravańniem aŭtamabila «Micubisi», u vyniku mašyna sutyknułasia z «Fijatam-Brava», jaki ruchaŭsia napieradzie ŭ tym ža napramku. Ad udaru «Fijat» vyjechaŭ na pałasu sustrečnaha ruchu, dzie adbyłosia jaho łabavoje sutyknieńnie z trecim aŭtamabilem — «Reno-Łahuna».

Vadziciel «Fijata», 26-hadovaja žycharka Pružan, i vadziciel «Reno», 28-hadovy žychar Pružanskaha rajona, zahinuli na miescy. Pasažyr «Fijata», 28-hadovy žychar Pružan, znachodzicca ŭ reanimacyjnym adździaleńni centralnaj rajonnaj balnicy. U jaho zakrytaja čerapna-mazhavaja traŭma, udar hałaŭnoha mozhu, unutryčarapnaja hiematoma i pierałom kaściej zvodu čerapa.

Vadziciel «Micubisi» nie paciarpieŭ. Ustanoŭlena, što jon znachodziŭsia za rulom u stanie ałkaholnaha apjanieńnia. Raspačata sprava na padstavie č. 3 art. 317 KK (parušeńnie pravił darožnaha ruchu ci ekspłuatacyi transpartnych srodkaŭ).

Pavodle źviestak DAI, z pačatku hoda ŭ Bresckaj vobłaści adbyłosia 455 DTZ, u jakich 85 čałaviek zahinuli, 463 — atrymali traŭmy roznaj stupieni ciažkaści.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH