Najstarejšaja ŭ Babrujsku niedziaržaŭnaja hazeta «Babrujski kurjer» znachodzicca na miažy bankructva. Supracoŭniki redakcyi znachodzicca ŭ vymušanym adpačynku.Redaktar Anatol Sanacienka ličyć, što vydańnie apynułasia ŭ takoj sytuacyi praź cisk ułady.
Dahetul isnuje zabarona na raźmiaščeńnie reklamy ŭ «Babrujskim kurjery». Amal na kožnym pasiadžeńni idealahičnaj vertykali nazvu hazety pramaŭlajuć jak zaklaćcie, zajaŭlaje Anatol Sanacienka:
«Apošnija siem hadoŭ ułady rabili ŭsio, kab ekanamična zadušyć „Babrujski kurjer“. U vyniku za hetyja hady hazeta nie zmahła zarabić stolki srodkaŭ, kolki za hety ž peryjad našy bližejšyja kankurenty. Perspektyvy dla hazety pakul nia duža jasnyja. Moža być, našy kroki pa vychadzie z takoj sytuacyi j pryviaduć da niečaha, adnak pakul pra heta ciažka kazać».
Praciahły čas biełaruskaja pošta admaŭlałasia brać «Babrujski kurjer» u svaju sietku raspaŭsiudu. Dla hazety byli niedasiažnyja šapiki «Biełsajuzdruku».
Cpadar Sanacienka taksama zaznačyŭ, što «my znachodzimsia ŭ davoli specyfičnym atačeńni. U Babrujsku najbolšaja kolkaść hazet paśla Miensku. Specyfičnaść zvodzicca da taho, što ŭłady ličać usie hazety svaimi słuhami. Tak ličyć idealahičnaja vertykal. Naprykład, na dzień druku ŭsie kiraŭniki miascovych hazet, akramia dvuch, byli zaprošanyja ŭ harvykankam i atrymali dyplomy j hrašovyja premii. Nam šmat razoŭ davodziłasia čuć, što my nie pra toje pišam. Nia treba było pisać pra toje j toje. Tak, my zhubili hrošy, adnak zachavali svaje žyćciovyja kaštoŭnaści, što važniej za hrošy. My, jak i raniej, ličym, što prafesija žurnalista — heta nie lokaja prafesija».
***
Adna z samych starych hazet u Biełarusi. Pieršy jaje numar vyjšaŭ u 1914 hodzie. U 1920 balšaviki jaje zakryli, bo vydańnie było pryvatnym i nie padkantrolnym im. Adnaviłasia hazeta ŭ 1990 hodzie jak nieperyjadyčnaje małafarmatnaje vydańnie. Ad 1992 hodu «Babrujski kurjer» pačaŭ vychodzić jak paŭnavartasny srodak masavaj infarmacyi. U 1998 hodzie hazeta stvaryła svoj sajt, jaki ŭ 2008 hodzie zrabiŭsia
