Padrychtoŭka da pryjezdu Stynha i brytanskaha Karaleŭskaha simfaničnaha arkiestra ŭ Biełarusi vyjšła na finišnuju pramuju. Nahadajem, pieršy kancert Stynha ŭ Minsku płanujecca 18 vieraśnia.
Pavodle infarmacyi arhanizataraŭ kancerta, muzykant i jaho hurt prylaciać ź Vilniusa na asabistym samalocie, astatnija ŭdzielniki tura pryjeduć na aŭtobusach: u dvuch raźmieściacca muzykanty arkiestra i jašče ŭ čatyroch — techniki, jakija adkazvajuć za arhanizacyju šou (usiaho 139 čałaviek).
Dla kancerta ŭ
Za pultam padčas kancerta budzie pracavać aŭstralijski hukarežysior Hovard Pejdž, jaki daŭno supracoŭničaje sa Stynham i Karaleŭskim fiłarmaničnym arkiestram. Kancert buduć zdymać čatyry kamiery, a vidarys — prajecyravacca na niekalki vialikich ruchomych ekranaŭ. Ekrany buduć tranślavać kancert i videaefiekty, nad stvareńniem jakich pracavali dzieviać viadomych videamastakoŭ. Siarod apošnich i Mišel Hondry, klipmiejkier Radiohead i režysior filmaŭ «Viečnaje źziańnie čystaha rozumu» i «Pieramotka».
Asobnaja bryhada technikaŭ zabiaśpiečyć u Minsku śvietłavoje šou, paraŭnalnaje, pa infarmacyi arhanizataraŭ, z tymi, jakija možna ŭbačyć na kancertach Muse, Radiohead i Džordža Majkła.