Apazicyjnyja kandydaty ŭ prezidenty Biełarusi hatovyja prapanavać Rasiei novy scenar raźvićcia dvuchbakovych adnosinaŭ, zasnavany na dobrasusiedstvie i prahmatyźmie.
Jak čakajecca, data vybaraŭ prezidenta Biełarusi moža być pryznačana ŭ aŭtorak, sami vybary pavinny adbycca nie paźniej za luty 2011 hoda. Miž tym, užo bolš za dziesiatak apazycyjnych palitykaŭ vyjavili hatoŭnaść udzielničać u vybarčaj kampanii, jakaja ŭpieršyniu prachodzić na fonie astudžeńnia stasunkaŭ pamiž Maskvoj i aficyjnym Mienskam. Alaksandr Łukašenka niaźmienna kiruje krainaj z 1994 hoda, pieradaje RIA «Novosti».
«Paharšeńnie palityčnych kantaktaŭ, jakija skłalisia pamiž Mienskam i Maskvoj, napiaredadni vybaraŭ razam z pasłableńniem ekanomiki Biełarusi ŭ paraŭnańni z 2006 hodam stvarajuć pryncypova inšy fon ciapierašniaj kampanii», — skazaŭ Andrej Vardamacki, kiraŭnik daśledčaj łabaratoryi «Novak».
Nacyjanalistyčnyja kandydaty, što razyhryvajuć kartu «zmovy Maskvy», majuć dastatkova zmanlivyja šancy, pakolki samym antyrasiejskim palitykam Biełarusi vyhladaje sam Łukašenka, ličać mnohija analityki.
«Čałaviek, jaki nie moža damaŭlacca z hałoŭnym sajuźnikam — Rasiejaj, u vačach biełaruskaha elektaratu nie moža być lideram krainy. Naśpieła pierazahruzka adnosinaŭ z Rasiejaj», — ličyć Vardamacki.
Biełaruskija apazicyjnyja palityki, jakija ŭ minułym aryjentavalisia tolki na Jeŭraźviaz, siońnia prymiralna razvažajuć pra Rasieju jak pra hałoŭnaha partniora. Historyja «antyrasiejskich» prezidentaŭ na postsavieckaj prastory paćvierdziła, što mieć voraha ŭ asobie Rasiei raŭnaznačna palityčnamu samahubstvu.
«Na postsavieckaj prastory źjaviłasia cikavaja madel, pradstaŭlenaja Viktaram Janukovičam. Jon abviaščaje ruch u Jeŭraźviaz, demanstrujučy imhniennaje palapšeńnie stasunkaŭ z Rasiejaj», —skazaŭ u intervju RIA «Novosti» Andrej Sańnikaŭ, u minułym ministr zamiežnych spraŭ i ŭvachodžy ŭ jeŭrapiejskija struktury palityk.
Lider hramadzianskaj kampanii «Jeŭrapiejskaja Biełaruś», Sańnikaŭ maje namier vyłučycca na vybary prezidenta Biełarusi. Žorstkaja pazicyja Maskvy ŭ adnosinach da Łukašenki zdajecca apazicyi natchnialnaj akaličnaściu i mahčymaściu zbližeńnia kryteraŭ Maskvy i Zachadu ŭ acency biełaruskaj palityki.
«Heta novy i davoli niečakany faktar. Raniej zaŭsiody zdavałasia, što Rasieja zacikaŭlenaja ŭ tym, kab u Biełarusi była dyktatura. Adnak Łukašenka, jaki vymantačvaje hrošy pad pustyja abiacańni, u jakaści partniora siońnia nie zadavalniaje nikoha», — ličyć Sańnikaŭ.
