Forbes: «Praz 10 hod Kitaj dazvolić adnapołyja šluby praź niedachop žančyn» 7

Žurnalisty vydańnia Forbes pasprabavali sprahnazavać i pradkazać padziei bližejšych dziesiaci hadoŭ.

Samymi hučnymi padziejami, na dumku žurnalistaŭ vydańnia, u bližejšy čas stanuć: u 2011 hodzie va ŭzroście 70 hadoŭ pamre Kim Čen Ir, a jaho spadčyńnik Kim Čen Un pojdzie na kantakt z ZŠA. U Jehipcie narodzicca siamimiljardny žychar Ziamli, hienieralny sakratar AAN abvieścić Dziesiacihodździe hiendernaj spraviadlivaści, a rasijanie raskryjuć hihanckuju amierykana-izrailskuju sietku kibieršpijonaŭ. Taksama

ŭ prodaž pastupić latajučy aŭtamabil.

U 2012 hodzie, na dumku aŭtaraŭ vydańnia, isłamisty pryjduć da ŭłady ŭ Samali, taksama mahčyma, što Izrail praviadzie vajennuju apieracyju suprać Irana. Na Alimpijskich hulniach u Łondanie čaćviortym ŭ zabiehu na 400 mietraŭ pryjdzie čałaviek biez abiedźviuch noh. A ŭ Miechika adbudziecca ŭspyška suchotaŭ, epidemija budzie nastolki surjoznaj, što pierakiniecca na Techas, Hvatemału i Braziliju.

Taksama

Forbes pradrakaje ŭ 2013 hodzie novy čorny aŭtorak na Uoł-Stryt,

u 2014 hodzie Kitaj raźmieścić ŭ Sudanie balistyčnyja rakiety, čym spravakuje kryzis. U hetym ža hodzie, piša Forbes, amierykanskija vajskoŭcy ŭ Afhanistanie atrymajuć ekzaškilety vytvorčaści Lockheed Martin. Kaścium, asnaščany sensarnaj sistemaj, jakaja interpretuje roznyja stany hałaŭnoha mozhu i pieradaje sihnały miechaničnamu ekzaškiletu. Taksama na płaniecie budzie całkam źniščany błakitny tuniec.

U 2015 hodu, pa prahnozie vydańnia, u suviazi z pavyšeńniem ŭzroŭniu suśvietnaha akijana ŭ Banhładešy pačniecca deficyt pitnoj vady. U tym ža hodzie hiermana-ałžyrski kancern Desertec pačnie budavać u Paŭnočnaj Afrycy hielijacentryčnuju sistemu koštam u $500 miljardaŭ.

U 2016 h. na vybarach prezidenta ZŠA ŭpieršyniu budzie prymianiacca pracedura hałasavańnia praź internet. U tym ža hodzie pad markaj Murderless Meat u prodaž pastupić vyraščanaje ŭ łabaratornych umovach miasa, jakoje na smak budzie nahadvać kurycu. U Paŭdniovaj Karalinie adkryjecca pieršaja ŭ śviecie birža virtualnaj pracy, dzie za minimalnuju zarpłatu možna ŭładkavacca achoŭnikam ci załatazdabytčykam u onłajn-hulniu.

2017 hod adznačycca tym, što

ŭ Aŭstralii adbudziecca pieršaje začaćcie biez udziełu mužčyny — z dapamohaj sintetyčnaj śpiermy, atrymanaj sa stvałavych kletak adnoj z maci.

U 2018 h. amierykanskija vojski pakinuć Afhanistan, tym samym budzie aficyjna zavieršana samaja doŭhaja ŭ historyi ZŠA suchaputnaja vajna. U hetym ža hodzie samy chutki ŭ śviecie ciahnik prybudzie ź Piekina ŭ Paryž, pa darozie raźvivajučy chutkaść bolš za 300 milaŭ u hadzinu.

U 2019 h. u Kitai ŭ suviazi z katastrafičnym niedachopam žančyn dazvolać adnapołyja šluby, prahnazuje Forbes. Śledstvam hetaha stanuć adpaviednyja inicyjatyvy ŭ finansavaj śfiery i prapahanda homaseksualizmu.

U 2020 h. Greenpeace abvieścić pačatak klimatyčnych vojnaŭ. U hetym ža hodzie na Šry-Łancy adbudziecca kanflikt na relihijnaj hlebie, ŭrehulavać jaki buduć nakiravanyja vojski AAN. Taksama ŭ 2020 hodzie na Łunu adpravicca pieršy pryvatny kaśmičny karabiel z vaśmiu kaśmičnymi turystami na borcie. Kožny ź ich pavinien budzie zapłacić za palot $200 miljonaŭ.

Forbes

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH