Mininfarmacyi vyniesła papiaredžańnie «Briestskoj hazietie»

Papiaredžańnie za raspaŭsiud niepraŭdzivaj infarmacyi padpisała pieršaja namieśnica ministra infarmacyi Lilija Ananič. Padstavaj dla sankcyi staŭ artykuł «Stomlenych ad horada vyratujuć ekapasieliščy», nadrukavany 14 vieraśnia.

Jak adznačaje pres-słužba BAŽ, sama redakcyja haziety atrymała list ad Kamianieckaha rajvykankama, dzie ŭkazvałasia na niedakładnaści ŭ artykule. I redakcyja navat nadrukavała jaho 16 vieraśnia ŭ jakaści abviaržeńnia, jakoha patrabavali rajonnyja ŭłady. Tym nie mienš, Mininfarmacyi papiaredziła vydańnie, nie čakajučy vychadu abviaržeńnia.

Miž tym, infarmacyja, anałahičnaja toj, što apublikavała «BH», źjaviłasia i ŭ šerahu inšych vydańniaŭ vobłaści — u tym liku ŭ haziecie «Zaria», suzasnavalnikami jakoj vystupajuć Brescki abłvykankam i Brescki abłsaviet deputataŭ.

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH