U Bresckaj vobłaści vialikaja častka aktyvistaŭ Biełaruskaj partyi levych «Spraviadlivy śviet» maje namier padtrymać pieradvybarnuju kampaniju Uładzimira Niaklajeva,
paviedamiŭ staršynia abłasnoj partyjnaj arhanizacyi Leanid Majstruk.
«Taksama našy aktyvisty płanujuć pracavać u inicyjatyŭnaj hrupie Jarasłava Ramančuka, — skazaŭ Majstruk. — Usie hetyja ludzi sami zrabili vybar i buduć udzielničać u dadzienym vypadku nie jak pradstaŭniki partyjnaj struktury».
Pavodle słoŭ Majstruka, bresckaja abłasnaja arhanizacyja voźmie ŭdzieł u kampanii «Spraviadlivyja vybary», jakuju inicyjavała partyja.
«Ciapier u ramkach hetaj kampanii my pravodzim kansultacyi pa vyznačeńni kolkaści našych pradstaŭnikoŭ, jakija buduć vyłučanyja ŭ skład terytaryjalnych vybarčych kamisij pa vybarach prezidenta. Asablivuju ŭvahu nadajom učastkovym vybarkamam, kab nie dapuścić falsifikacyi padliku hałasoŭ. Siońnia možna havaryć ab tym, što adzin naš aktyvist budzie vyłučany ŭ abłasnuju vybarčuju kamisiju», — skazaŭ Majstruk.
