Fantastyčny BATE! abnoŭlena 17

Pavieł Niachajčyk u dvuboi z Marselisam, daylife.com

Paśla hulni abodva treniery syšlisia ŭ mierkavańni, što BATE viečaram 30 vieraśnia pakazaŭ fantastyčny futboł.

Škada tolki, što nie tak mnoha ludziej na stadyjonie zmahło padzialić tryumf barysaŭčan. Ciažka skazać, što tamu vina: poźni pačatak matču, nie samaje ciopłaje nadvorje ci praca milicyi, ale trybuny byli zusim nie zapoŭnienymi. Što ž, złujcie ciapier sami na siabie, što nie pajšli na stadyjon.

A pahladzieć było na što.

Złaviŭ siabie na dumcy, što ŭpieršyniu ŭ hrupavych raŭndach jeŭraturniraŭ BATE mieŭ nastolki istotnuju pieravahu ŭ hulni. Takoj upeŭnienaści ŭ svaich dziejańniach nie było jašče nikoli. Nie ŭźnikała nivodnaha sumnievu, što pieramožam.

Zrešty, hulnia dla biełarusaŭ pačałasia fiejeryčna. Navies brazilca Bresana hałavoj zamknuŭ Vital Radzivonaŭ. Kolki ŭžo krytyčnych strełaŭ apošnim časam było vypuščana ŭ adras hetaha forvarda. Sapraŭdy, Radzivonaŭ šmat nie zabiŭ, ale jak starajecca, jak zmahajecca za kožny miač. I voś uznaharoda za nastyrnaść.

A potym byŭ pienalci na vasiamnaccataj chvilinie. Bić jaho ŭziaŭsia Arciom Kancavy. Adnak vyjšła niejak nu zusim biaschitrasna. Varataru AZ nie skłała prablem spravicca z udaram.

Niaŭdača barysaŭcaŭ nie nadłamiła. Jany nastojliva praciahvali hnuć svaju liniju dalej. Było šmat trapnych udaraŭ, ale varatar supiernikaŭ davaŭ im rady.

Tolki naprykancy pieršaha tajmu hałandcy zmahli ahryznucca niekalkimi atakami.

Nu, a druhi tajm BATE znoŭ pačaŭ z hołu. Cudoŭny fłanhavy prachod małajčyny Niachajčyka zamknuŭ Arciom Kancavy. vypraviŭsia za niezabity pienalci.

Nu, a potym ciahnuć adzinaccacimietrovy daviałosia ŭžo Siarhieju Vieramko. Žanatas, jak i dva tydni tamu Arciom Mileŭski, nie zmoh pierachitryć biełarusa. Brava, Vieramko!

Kali vy dumajecie, što kipryjot na hetym spyniŭsia pryznačać pienalci, to pamylajeciesia. Za znos Radzivonava pienalci pajšoŭ bić Bresan. U brazilca atrymałasia jamčej, čym u Kancavoha — 3:0.

A litaralna praz 4 chvilin Edhar Alachnovič padściaroh adskok za miežami štrafnoj. Jahony hoł byŭ ci nie samym pryhožym u matčy. Paśla hetaha trybuny družna hukali: «Małajcy».

Naprykancy hulni isłandziec Sihtarsan usio ž zmoh razmačyć našy varoty. Tym nie mienš, heta ŭžo nikoha nie rasstroiła. BATE pakazaŭ fantastyčnuju hulniu.

* * *

Siońnia ŭ Tyraspali «Šeryf», jaki ačolvaje biełaruski śpiecyjalist Andrej Saśnicki, vyjhraŭ u kijeŭskaha «Dynama» — 2:0

(Jarochin, 8, Džymi Franka, 37-ja).

I BATE vychodzić u lidery hrupy «Je»!

Paśla 2-ch turaŭ: BATE — 4 bały (1 pieramoha, 1 ničyja, 0 parazaŭ, roźnica miačoŭ: 6–3), AZ — 3 (1, 0, 1, 3–5), Šeryf — 3 (1, 0, 1, 3–2), Dynama Kijeŭ — 1 (0, 1, 1, 2–4).

* * *

BATE: Vieramko, Sasnoŭski (Radźkoŭ, 46-ja), Šytaŭ, Jurevič, Kancavy (Baha, 79-ja), Vaładźko, Bresan (Skavyš, 83-ja), Niachajčyk, Bardačoŭ, Radzivonaŭ, Alachnovič.

AZ: Serchia Ramera, Marselis, Ektar Marena, Schaars, Žanatas, Kłavan, Viernbłoom (van der Fielden, 78-ja), Hudmundsan (Chołmen, 68-ja), Sihartsan, Elm, Majsander (Jalens, 83-ja).

Papiaredžańni: Ramera (18-ja), Sasnoŭski (40-ja), Radźkoŭ (58-ja), Radzivonaŭ (90-ja).

21 kastryčnika BATE zhulaje ŭ Tyraspali z «Šeryfam», 4 listapada kamandy sustrenucca ŭ Minsku.

0

0

0

0

0

0

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH