Pra druhi vypusk almanacha «Asoba i čas» piša Anatol Sidarevič.
Što ja viedaŭ pra hienierała Kipryjana (Cypryjana) Kandratoviča? Nie bolš za toje, što pračytaŭ u čaćviortym tomie Encykłapiedyi historyi Biełarusi dy ŭ tekstach dziejačaŭ Biełaruskaj Narodnaj Respubliki. Ciapier ja viedaju našmat bolš, bo ŭ druhim vypusku biełaruskaha bijahrafičnaha almanacha «Asoba i čas» pračytaŭ narys Leanida Łaŭreša «Hienierał Kipryjan Kandratovič: kreski da žyćcia».
Niašmat ja viedaŭ i pra žyćciovy šlach adnaho z pačynalnikaŭ biełaruskaha ruchu Antona
Jak viadoma knihalubam i historykam, letaś vydaviectva «Limaryus» vydała pieršy vypusk almanacha «Asoba i čas». Mierkavałasia, što jon budzie vychodzić štohod. Adnak sioleta raniej śviet ubačyŭ treci — admysłovy — vypusk, pryśviečany sotym uhodkam z dnia naradžeńnia Łarysy Hienijuš, a zusim niadaŭna — druhi, ardynarny vypusk.
Aŭtary pišuć pra ludziej, jakija žyli i pracavali ŭ Biełarusi ŭ daŭni, novy i najnaviejšy čas. U almanachu ŭdzialajecca taksama miesca dziońnikam, uspaminam i listavańniu.
Kali pieršy vypusk almanacha adkryvaŭsia pradmovaj ad redakcyi, dyk u druhim vypusku ŭ jakaści pieradavoha źmieščany artykuł archivistki Volhi Ivanovaj «Asabistyja archivy biełaruskaj nacyjanalnaj elity ŭ kancy XVIII — pačatku XX stst.».
Kali ŭ pieršym vypusku ŭ rubrycy «Vodhulle stahodździaŭ» Ivan Savierčanka pisaŭ pra epochu Žyhimonta Staroha ŭ biełaruskich chronikach, dyk ciapier toj samy aŭtar adstupiŭ u časie dalej i napisaŭ pra impieryju Vitaŭta Vialikaha.
U hetaj rubrycy mianie nie mahła nie zacikavić i publikacyja historyka Carkvy, krynicaznaŭcy Dzianisa Lisiejčykava, jaki nadrukavaŭ tastamient mitrapalita Kijeŭskaha, Halickaha i ŭsiaje Rusi Iosifa Vieljamina Ruckaha. Kaštoŭnaść publikacyi ŭ tym, što raniej byŭ viadomy niapoŭny tekst hetaha dakumienta, napisany da taho ž na łacinie. Ciapier historyki majuć mažlivaść pračytać poŭny tekst tastamienta archiŭładyki Iosifa IV na movie aryhinału — starabiełaruskaj.
Novyja ryski da žyćciapisu Adama Bahdanoviča znojdziem u artykule Siamiona Bukčyna «Moj zakadyčnyj prijatiel…»: Maksim Hoŕkij i Adam Bohdanovič». A Taćciana Iljina i Alaksandr Fiaduta pišuć pra adnaho ź fiłamataŭ — Vincenta Budreviča («Budrys v Tvieri»).
Viedama, ja nie mahu nazvać usie materyjały, źmieščanyja ŭ druhim vypusku almanacha «Asoba i čas», ale mušu adznačyć, što ŭ raździele «Pačniom źbirać ziarno k ziarniaci…» nadrukavany ŭ peŭnym sensie siensacyjny artykuł Lavona Jureviča «Čałaviek, jaki trymaŭ u rukach Miesiac». U hetym artykule apaviadajecca pra doktara Aŭhiena Viarbickaha — biełarusa, jaki pa vajnie skončyŭ Technałahičny ŭniviersitet u Miunchienie, a potym apynuŭsia ŭ Złučanych Štatach. Hety čałaviek vyrašaŭ prablemu charčavańnia amierykanskich vajskoŭcaŭ u pachodnych i palavych umovach, kali nielha karystacca zvyčajnaj ladoŭniaj. I prablemu charčavańnia astranaŭtaŭ. U padziaku za heta astranaŭty padaryli jamu drobny kavałačak Miesiaca. Vyjaŭlajecca, nie tolki Barys Kit mieŭ dačynieńnie da raźvićcia amierykanskaje astranaŭtyki. Lavon Jurevič zhadvaje ŭ svaim artykule i inšych biełarusaŭ, jakija papracavali dziela
Kab ahlad byŭ bolš poŭny, treba abaviazkova adznačyć, što da rubryk «Vodhulle stahodździaŭ», «Abrysy dzion minułych» i «Radavodnaje dreva» ŭ druhim vypusku almanacha «Asoba i čas» dadałasia novaja — «Jubilejnaje». U hetaj rubrycy Siarhiej Chareŭski drukuje artykuł pra, badaj, samaha vydatnaha architektara SSSR stalinskaj epochi Ivana Žałtoŭskaha, Michaś Skobła publikuje ŭspaminy i svaju ŭžo daŭnavatuju hutarku z Maksimam Łužaninym, a Siarhiej Šapran — listy i pryśviačeńni Uładzimira Karatkieviča Ryhoru Baradulinu.
Ab materyjałach u rubrycy «Pačniom źbirać ziarno k ziarniaci…» ja ŭžo napisaŭ, ale źviartaju na jaje asablivuju ŭvahu: jak vidać z troch vypuskaŭ, hetyja słovy Pieśniara mohuć być devizam almanacha «Asoba i čas».
