U paniadziełak, 8 listapada, prajšoŭ zaklučny matč31-ha tura čempijanatu Biełarusi pa futbole ŭ vyšejšaj lizie. U Barysavie sustrakalisia BATE i minskaje «Dynama».
BATE razhramiła minčukoŭ ź likam 4:0 (Bardačoŭ, 18, Baha, 27, Vaładźko, 60, Jurevič, 80).
Takim čynam Barysaŭ uziaŭ revanš za parazu ŭ sumnaviadomym matčy druhoha kruha 22 vieraśnia, kali barysaŭski kłub prajhraŭ na svaim poli 1:3, a «Dynama» potym było pakaranaje za nacysckija vykryki svaich zaŭziataraŭ
BATE: Hutar, Lichtarovič (Alachnovič, 51), Šytaŭ, Jurevič, Vaładźko, Bresan, Radźkoŭ, Paŭłaŭ (Niachajčyk, 56), Bardačoŭ, Radzivonaŭ (Skavyš, 73), Baha.
Paśla 31 turu: BATE — 69, Šachcior — 63, Minsk — 54, Dynama Minsk — 53, Biełšyna — 45, Naftan — 43, Dynama Brest — 43, Dniapro — 40, Viciebsk — 32, Nioman — 25,Tarpieda — 22, Partyzan — 19.
Da kanca čempijanatu zastalisia dva tury.
13 listapada «Šachcior» zhulaje ŭ Salihorsku z «Niomanam», a BATE ŭ Babrujsku — z «Biełšynaj».
21 listapada BATE i «Šachcior» zhulajuć u apošnim tury pamiž saboj u Barysavie.
Kab siomy raz — i piaty raz zapar — stać čempijonami Biełarusi pa futbole
BATE dastatkova ŭ dvuch turach nabrać adzin bał. Vierahodna, što los załatych miedaloŭ vyrašycca ŭžo ŭ hetu subotu.
