Upraŭleńnie ŭnutranych spraŭ Minskaha rajvykankama praciahnuła da 8 studzienia 2011 hoda rasśledavańnie kryminalnaj spravy pa fakcie chulihanstva — źniščeńnia ŭ Kurapatach 38 miemaryjalnych kryžoŭ.
Pra heta paviedamiŭ supracoŭnik pres-słužby UUS Minskaha abłvykankama Siarhiej Baśko.
Sprava raspačata 8 listapada pa častcy 1 artykuła 339 Kryminalnaha kodeksa (chulihanstva), jakaja praduhledžvaje pakarańnie ŭ vyhladzie hramadskich rabot, abo štrafu, abo aryštu na termin da šaści miesiacaŭ, abo pazbaŭleńnia voli na termin da troch hadoŭ. Dla praviadzieńnia rasśledavańnia sprava pieradadziena ŭ adździeł daznańnia UUS Minskaha rajvykankama, jaki adpracoŭvaje roznyja viersii złačynstva.
Nahadajem, 6 listapada aktyvisty Kansiervatyŭna-chryścijanskaj partyi — BNF padčas tradycyjnaj tałaki na alei ŭzdoŭž paŭdniova-ŭschodniaj miažy Kurapat z boku handlovaha kompleksu "Ekspabieł" znajšli ślady złačynstva — źniščanyja pamiatnyja znaki, u asnoŭnym złamanyja kala asnavańnia. Vyklikanyja supracoŭniki milicyi apytali ŭsich udzielnikaŭ tałaki, jakija miarkujuć, što akcyja vandalizmu ŭčyniena ŭ noč z 4 na 5 listapada, bo jašče 4 listapada miemaryjalnyja kryžy byli cełyja. Treba adznačyć, što 16 kastryčnika na hetaj ža alei Kurapat aktyvistami KCHP-BNF byli znojdzieny źniščanyja nieviadomymi 33 pamiatnyja znaki, adnoŭlenyja praź niekalki dzion.
