Minstar paliva j enerhietyki Ŭkrainy Jury Bojka adznačyŭ, što siońnia Ŭkraina pastaŭlaje ŭ Biełaruś, Polšču i Małdovu elektraenerhiju pa košcie, nižejšym za ŭnutranyja taryfy: 2,2 centa za kilavat, tady jak na ŭnutranym ukrainskim rynku kilavat kaštuje 4 centy. «Z novaha hodu nia budzie nivodnaha kantraktu z canoj tańniejšaj, jak na ŭtutranym rynku», — zajaviŭ jon.
U 2007 hodzie Biełaruś planuje impartavać 5,8 młrd kilavat-hadzinaŭ elektraenerhii z Ukrainy i Rasiei. Adnak, nadoječy pasoł Rasiei ŭ Biełarusi Alaksandar Surykaŭ zajaviŭ, što ŭ 2007 hodzie jahonaja kraina nia budzie pradavać Biełarusi elektraenerhiju: «U nas paŭstaŭ deficyt elektraenerhii dla rehijonaŭ centralnaj Rasiei ŭ suviazi z rezkim uzrastańniem pobytavaha spažyvańnia, tamu Rasieja nia budzie ekspartavać elektraenerhiju».
