Źjaviłasia infarmacyja, što zaŭtra pozna ŭviečary palitviaźnia Źmitra Daškieviča, jaki byŭ asudžany na paŭtara hodu źniavoleńnia za dziejnaść ad imia niezarehistravanaj arhanizacyi, pieraviaduć ź mienskaha izalataru na Vaładarskaha ŭ Žodzinskaje SIZA. Pra heta kažuć Źmitrovy paplečniki.
U departamencie vykanańnia pakarańniaŭ pakul admaŭlajuć hetuju infarmacyju. Tam kažuć, što nie praktykujuć takija pieravody.
Varta nahadać, što pakul jašče nie była razhledžanaja kasacyjnaja skarha Daškieviča. Da hetaha času Źmitra nia mohuć pieravieści ŭ kaloniju.